მოსკოვი ძლიერმა ბურუსმა და კვამლმა მოიცვა. ამის მიზეზი კი უჩვეულო სიცხეებია, რის შედეგადაც მოსკოვის გარშემო ტყეებში ხანძრები ჩნდება. რუსეთის საგანგებო სიტუაციათა სამინისტროს ცნობით, მოსკოვის გარშემო დაახლოებით 60-მდე ტყეს უკიდია ცეცხლი.ხელისუფლება სახანძრო თვითმფრინავების მობილიზებას ახდენს და ხანძრის ჩაქრობას ჰაერიდან ცდილობს. მოსკოვის ხელისუფლების ცნობით, ჯერჯერობით სტიქიას არ შეუფერხებია აეროპორტის მუშაობა.