აშშ-ს ვიცე-პრეზიდენტი ჯო ბაიდენი დღეს ქაბულში ავღანეთის პრეზიდენტ ჰამიდ კარზაის ხვდება. იგი აგრეთვე მოინახულებს ავღანეთში მომსახურე ამერიკელ სამხედროებსა და სამოქალაქო პირებს. დაგეგმილია ბაიდენის ვიზიტი ავღანეთის ეროვნულოი არმიის საწვრთნელ ცენტრში. ჩამოსვლისთანავე ვიცე-პრეზიდენტი ბაიდენი შეხვდა ავღანეთში საერთაშორის სამხედრო ძალების მეთაურს გენერალ დეივიდ პეტრეუსს და ავღანეთში აშშ-ს სრულუფლებიან ელჩს კარლ აიკენბერის. თეთრი სახლის განცხადების თანახმად ბაიდენის ვიზიტის უპურველი მიზანია შეაფასოს ის, თუ რამდენად წარმატებით მიმდინარეობს უშიშროების სადავეების ავღანეთის ძალებისადმი გადაცემის პროცესი.