რომის პაპმა ბენედიქტემ ღრმა მწუხარება გამოთქვა, კათოლიკე მღვდლების მიერ ბავშვებზე სექსუალური ძალადობის გამო.
ბრიტანეთში ვიზიტის მესამე დღეს, ვესტმინსტერის საკათედრო ტაძარში, წირვაზე, რომელსაც 3.500 ადამიანი ადევნებდა თვალს, პაპმა სექსუალური ძალადობის ფაქტები დაგმო.
წირვამდე, რომის პაპი ბრიტანეთის პრემიერ მინისტრ, დევიდ კამერონს, მის მოადგილე ნიკ ქლეგს და ლეიბორისტული პარტიის მოქმედ ლიდერ, ჰარიეტ ჰარმანს შეხვდა.
ბენედიქტე მე-16-ის ვიზიტი ბრიტანეთში, ხვალ, ჰაიდ პარკში ლოცვის აღვლენით დასრულდება.