ლიბიის ოპოზიციამ ეროვნული საბჭო ჩამოაყალიბა

ლიბიის ოპოზიციამ განაცხადა, რომ ქვეყნის აღმოსავლეთ ნაწილის ქალაქებში ეროვნული საბჭო ჩამოაყალიბა. ამ ფონზე ლიბიის დასავლეთში ანტი-სამთავრობო ძალებმა ქალაქ ზავიას კონტროლი აიღეს ხელში. უკანასკნელი ინფორმაციის თანახმად მოპროტესტეები ემზადებიან კადაფის მომხრეთა შემოტევის მოსაგერიებლად. ქალაქის ცენტრში ასობით მოპროტესტეა შეკრებილი. ბოლო დროს მომხდარი შეტაკების შედეგად ქალაქს სერიოზული მატერიალური ზარალი მიადგა.