შეერთებული შტატების პრეზიდენტი ბარაკ ობამა დღეს თეთრ სახლში თავის მრჩევლებს შეხვდა იმაზე სასაუბროდ, თუ რა დამატებითი ნაბიჯების გადადგმა შეიძლება მექსიკის ყურეში ნავთობის ჩადინების შესაჩერებლად.
ადმინისტრაციის ოფიციალური პირების თქმით, პრეზიდენტი უკმაყოფილოა " ბრითიშ პეტროლიუმის "საქმიანობით, რადგანაც კომპანიამ სამი კვირის განმავლობაში ვერ მოახერხა ნავთობის ყურეში ჩაღვრის შეჩერება, რომელიც ჭაბურღილზე მომხდარი აფეთქების შედეგად დაიწყო.
ექსპერტების აზრით, ნავთობის რაოდენობა, რომელიც ყოველდღიურად იღვრება მექსიკის ყურეში გაცილებით დიდია, ვიდრე 5 ათასი ბარელი, რაოდენობა, რომელიც "ბრითიშ პეტროლიუმმა" გამოთვალა.