29 აგვისტოს, სახელმწიფო დეპარტამენტში გამართულ ბრიფინგზე პრესსპიკერმა ვიქტორია ნულანდმა განაცხადა:
„შეერთებული შტატები არ აღიარებს 26 აგვისტოს საქართველოს რეგიონში - აფხაზეთში გამართული ე.წ. არჩევნების ლეგიტიმურობას. ჩვენ კიდევ ერთხელ ვადასტურებთ ჩვენს მხარდაჭერას საქართველოს სუვერენიტეტის და ტერიტორიული მთლიანობის მიმართ საერთაშორისო დონეზე აღიარებულ საზღვრებში. ჩვენ მოვუწოდებთ რუსეთს შეასრულოს 2008 წლის ცეცხლის შეწყვეტის შეთანხმების ფარგლებში ნაკისრი ვალდებულებები, რაც გულისხმობს კონფლიქტამდელ პოზიციებზე ძალების გაყვანას და ტერიტორიებზე ჰუმანიტარული დახმარების შეშვებას.“