ირანის უმაღლესმა სულიერმა ლიდერმა აიათოლა ალი ხამენეიმ განაცხადა, რომ დასავლური სანქციები თეირანის პროგრესს ვერ შეაჩერებს და ირანელებში დასავლეთისადმი სიძულვილს გააძლიერებს. ხამენეიმ ეს განცხადება დღეს, ისლამური რესპუბლიკის დამაარსებლის აიათოლა ხომეინის გარდაცვალების 23 წლისთავისადმი მიძღვნილ ცერემონიალზე გააკეთა, რომელიც დიდი აიათოლას მავზოლეუმთან გაიმართა.
ხამენეიმ აღნიშნა, რომ შეერთებული შტატები და მისი მოკაშირეები ირანის ბირთვულ პროგრამასთან დაკავშირებით სიცრუეს ავრცელებენ, რათა საკუთარი პრობლემები გადაფარონ. „მათ არა ბირთვული, არამედ ისლამური ირანის უნდა ეშინოდეთ,“ - განაცხადა აიათოლა ხამენეიმ.