პაკისტანის ხელისუფლების განცხადებით, ორაკზაის რაიონში გზისპირას ჩადებული ბომბის აფეთქების შედეგად ექვსი ჯარისკაცი დაიღუპა და ორი დაიჭრა. დაღუპულთა შორის ერთი პოლკოვნიკია.
ორაკზაის რაიონში პაკისტანელი სამხედროები თალიბებს ებრძვიან. დღესვე პაკისტანის ქალაქ ფეშავარში მეჩეთში ბომბის აფეთქების შედეგად სამი ადამიანი დაიღუპა და 22 დაიჭრა.
ისლამაბადში უცნობმა შეიარაღებულმა პირებმა საავადმყოფოში გახსნეს ცეცხლი, ერთი ადამიანი მოკლეს და ორი დაჭრეს.