ახალი გამჟღავნებული დოკუმენტის თანახმად, ჩინეთის ოფიციალური პირები აცხადებენ, რომ ჩრდილოეთ კორეის სისტემის დაშლის შემთხვევაში, ორი კორეა სეულის პატრონაჟის ქვეშ უნდა გაერთიანდეს.
დოკუმენტის შინაარსი უკვე გამოაქვეყნეს წამყვანმა გაზეთებმა, მათ შორის „ნიუ-იორკ ტაიმსმა“ და ბრიტანულმა „გარდიანმა“. დიპლომატიური გზავნილების თანახმად, სამხრეთ კორეის საგარეო საქმეთა მინისტრის მოადგილემ ამერიკელ ელჩს განუცხადა, რომ ჩინეთის ხელისფლებისთვის კორეის გაერთიანება მისაღებია, თუმცა პეკინისთვის მიუღებელი იქნება კორეის დემილიტარიზებულ ზონაში ამერიკული ჯარების ყოფნა.