იემენის ხელისუფლების განცხადებით, ალ-ყაიდას წინააღმდეგ მიმართული სამხედრო ოპერაციის დროს, შემთხვევით მთავრობის მომხრე ტომის 8 მებრძოლი დაიღუპა.
ბრძოლა აბიანის პროვინციის დედაქალაქ ზანზიბარში მოხდა, სადაც ალ-ყაიდას მეომრებმა გააქტიურეს მოქმედება და სამთავრობო ძალების 6 ჯარისკაცი მოკლეს.
იემენის პრეზიდენტის ალი აბდულა სალეჰის წინააღმდეგ, ექვსთვიანი სახალხო აჯანყებით ალ-ყაიდას მეომრებმა ისარგებლეს და ქვეყნის სამხრეთში მთელ რიგ რაიონებზე დააწესეს კონტროლი.
პრეზიდენტი სალეჰი ამჟამად საუდის არაბეთში იშუშებს ჭრილობებს, მას შემდეგ რაც ამბოხებულებმა მისი რეზიდენცია დაბომბეს.