ჩრდილო-ატლანტიკური ალიანსის განცხადების თანახმად, ავღანეთში ნატოს კიდევ სამი ჯარისკაცი დაიღუპა. ნატოს სამხედროების განცხადებით, ორი ჯარისკაცი ავღანეთის აღმოსავლეთში ნაღმზე აფეთქდა. კიდევ ერთი მათგანი ქვეყნის სამხრეთში დაიღუპა.
წელს ავღანეთში 530-ზე მეტი უცხოელი ჯარისკაცი დაიღუპა. ეს ყველაზე უფრო დიდი მსხვერპლია 2001 წლის შემდეგ, როდესაც დასავლეთის სამხედრო კოალიცია ავღანეთში შევიდა.
დღესვე ნატოს სამხედროების მტკიცებით, ლაღმანის პროვინციაში 30-ზე მეტი პარტიზანი გაანადგურეს. პაკტიკას პროვინციაში კი საჰაერო თავდასხმის შედეგად, თალიბთა ერთ-ერთი სამხედრო მეთაური გამოასალმეს სიცოცხლეს.