აშშ-მ გააფართოვა სანქციები ირანის მიმართ და გაავრცელა სანქციების მოქმედების არეალი იმ კომპანიებზე და ცალკეულ პირებზე, რომლებსაც რაიმე კავშირი აქვთ თეირანის ბირთვულ და სარაკეტო პროგრამებთან. ამის თაობაზე ოფიციალური განცხადება გააკეთა აშშ-ს ფინანსთა მინისტრმა ტიმოთი გაიტნერმა. როგორც მან განაცხადა ეს წარმოადგენს პირველ ნაბიჯს გაეროს უშიშროების საბჭოს მიერ მოწონებული რეზოლუციის პრაქტიკულად გატარების საქმეში. მისივე თქმით აშშ მოელის სხვა ქვეყნებისაგან მსგავს ინიციატივებს.