ბმულები ხელმისაწვდომობისთვის

გაეროში ასამდე ქვეყნის წარმომადგენელი შეიკრიბა


გაეროს შტაბ-ბინაში ასამდე ქვეყნის წარმომადგენელი მიწისძვრით დაზარალებული ჰაიტის დახმარების საკითხს განიხილავს. დონორების ამ კონფერენციას, რომელსაც გაეროს გენერალური მდივანი ბან გი მუნი მასპინძლობს, ჰაიტის პრეზიდენტი რენე პრევალი თავმჯდომარეობსკონფერენციას შეერთებული შტატების სახელმწიფო მდივანი ჰილარი კლინტონი და მისი მეუღლე, გაეროს სპეციალური წარგზავნილი ჰაიტიში, ამერიკის ყოფილი პრეზიდენტი ბილ კლინტონი ესწრებიან. გაერო აცხადებს, რომ ჰაიტის აღდგენითი სამუშაოების საწარმოებლად, საერთაშორისო დონორებისგან სამი მილიარდ რვაასი მილიონი დოლარის ოდენობის დახმარების მიღება სურს. გუშინ გაეროს წარმომადგენლებმა განაცხადეს, რომ მიუხედავად იმისა, რომ საერთაშორისო ყურადრება გრძელვადიან აღდგენით პროექტებზე გადაერთო, ჰაიტის ჯერ კიდევ ესაჭიროება ყოველდღიური ჰუმანიტარული დახმარების აღმოჩენა:


„გაერომ მიერ ჰაიტის ჰუმანიტარული დახმარებისთვის ერთი მილიარდ ოთხასი მილიონი დოლარი მოითხოვა. სადღეისოდ ამ თანხის მხოლოდ 48 პროცენტია დაფარული.სოფლის მეურნეობის, თავშესაფრების გამართვის, განათლებისა და სურსათით მომარაგების სფეროებში დახმარებამ იკლო“. ამბობს გაეროს ჰუმანიტარულ საქმეთა უწყების წარმომადგენელი ელისაბეთ ბირსი.ჰილარი კლინტონმა კი განაცხადა, რომ ამერიკა ჰაიტის დამატებით კიდევ ერთ მილიარდ დოლარს გადასცემს.


XS
SM
MD
LG