თურქეთის პრემიერმა დღეს გააკეთა გაფრთხილება, რომ შესაძლოა მან თურქეთიდან მასობრივად გააძევოს ის სომხები, რომლებიც თურქეთის ტერიტორიაზე არალეგალური სტატუსით იმყოფებიან.
ერდოღანმა ბიბისი-სვის მიცემულ ინტერვიუში განაცხადა, რომ 170 000 სომეხიდან, რომლებიც თურქეთში ცხოვრობენ მხოლოდ 70 000 არის ქვეყნის მოქალაქე და რომ მას არანაირი ვალდებულება არ აქვს ისინი ქვეყანაში დატოვოს.
თურქეთის მთავრობამ დაგმო ამერიკის წარმომადგენელთა პალატისა და შვეციის პარლამენტის რეზოლუციები, რომლებიც მისი თქმით გაართულებს თურქეთ-სომხეთის ურთიერთობების ნორმალიზაციის პროცესს.