ავსტრალიაში ელვის პრესლის ტანსაცმელში გამოწყობილი მიმბაძველები როკ ვარსკვლავის დაბადების დღეს აღნიშნავენ. დღეს პრესლი 75 წლის გახდებოდა. ავსტრალიის ახალი სამხრეთ უელსის მხარეში მდებარე პატარა დასახლებაში ელვისის დაბადების დღეს ყოველწლიურად დიდი ფესტივალი ტარდება.
წელს აქ ათ ათასამდე ადამიანი იყრის თავს. ვარსკვლავის თაყვანისმცემლები აცხადებენ, რომ ელვისმა მუსიკაში რევოლუცია მოახდინა და ამიტომაც მისი დავიწყება შეუძლებელია. შეგახსენებთ, რომ პრესლი 1977 წელს 42 წლის ასაკში გარდაიცვალა.