რუსეთის მილიციამ გასულ იანვარს იურისტისა და ჟურნალისტის გახმაურებულ მკვლელობაში ეჭვმიტანილი ორი ნეონაცისტი დააკავა. თავზე ტომარა ჩამოცმული ეჭვმიტანილები ნიკიტა ტიხონოვი და ევგენია ხასისი სასამართლოს დარბაზში შეიყვანეს. რუსეთის ფედერალური უშიშროების სამსახურის უფროსმა ალექსანდრე ბორტნიკოვმა განაცხადა, რომ ერთ-ერთმა ეჭვმიტანილმა უკვე აღიარა დანაშაული. ბორტნიკოვმა პრეზიდენტ მედვედევთან საუბრისას იმედი გამოთქვა, რომ მომავალში დამნაშავეთა სწრაფად დაკავება ნორმა გახდება.