ბმულები ხელმისაწვდომობისთვის

საერთაშორისო თანამეგობრობა ავღანეთის მხარდაჭერას განაგრძობს


ჰამიდ კარზაი ავღანეთის პრეზიდენტია. ის გამარჯვებულად არჩევნების ხელახალი რაუნდის გარესე გამოცხადდა.

ავღანეთის ცენტრალურმა საარჩევნო კომისიამ ჰამიდ კარზაი პრეზიდენტად ხელმეორე არჩევნების ჩატარების გარეშე გამოაცხადა. ამის შესახებ ოფიციალური განცხადება მხოლოდ მას შემდეგ გაკეთდა, რაც კარზაის მოწინააღმდეგე აბდულა აბდულამ არჩევნებში მონაწილეობაზე უარი განაცხადა.

ერთ თვიანი პოლიტიკური გაურკვევლობის თალიბთა ძალადობის და არჩევნების პირველ ტურში მასობრივი გაყალბების შემდეგ, ავღანელებმა იციან, თუ ვინ იქნება მათი პრეზიდენტი.

დამოუკიდებელი საარჩევნო კომისის თავმჯდომარის მოადგილე ზაკარია ბარაკზაი აცხადებს:

„ჩვენ გამოვაცხადეთ, რომ არჩევნების პირველ ტურში ჰამიდ კარზაიმ ხმათა უმრავლესობა დააგროვა და განმეორებითი არჩევნების შემთხვევაში ერთადერთი კანდიდატი იყო. ასე რომ ჩვენ მას პრეზიდენტად ვაცხადებთ."

თავდაპირველად , აგვისტოს თვეში ჩატარებული საპრეზიდენტო არჩევნები საერთაშორისო დამიკვირვებლებმა გაყალბებულად გამოაცხადეს და მოქმედ პრეზიდენტ, ჰამიდ კარზაის მიერ მოპოვებულ პროცენტთა რაოდენობის ანულირება მოახდინეს. ამას საპრეზიდენტო არჩევნების ხელმეორედ ჩატარების აუცილებლობა მოჰყვა.


კვირას კი ჰამიდ კარზაის ერთადერთმა მეტოქე, ყოფილმა საგარეო საქმეთა მინისტრმა აბდულა აბდულამ თავისი კანდიდატურა მოსხნა და განაცხადა, რომ მისი პროტესტი კარზასი მიერ დანიშნული საარჩევნო კომისიის მუშაობით არის გამოწვეული.
ოფიციალური შედეგების გამოცხადების შემდეგ,აშშ წარმომადგენლებმა და გაეროს გენერალურმა მდივანმა ჰამიდ კარზაის გამარჯვება მიულოცეს.


ქაბულში ბან კიმუნი ავღანეთის პრეზიდენტობის ორივე კანდიდატს ცალ-ცალკე შეხვდა და ესაუბრა. მუნის ვიზიტამდე კამიკაძე ტერორისტის მიერ აფეთქერბულმა ჭურვმა გაეროს 5 თანამშრომელი იმსხვერპლა, რომლებიც არჩევნებზე დამკვირვებლებად იყვნენ ჩასულები. მომხდარზე პასუხისმგებლობა თალიბებმა აიღეს.


გაეროს გენერალური მდივნის განცხადებით საერთაშორისო საზოგადოება კვლავ ავღანეთის ერთგული რჩება. "ჩვენ ვერ და არ შევიკავებთ თავს , გაერთიანებული ერების ორგანიზაცია ავღანეთში მუშაობას შედგომშიც გააგრძელებს." -აცხადებს გაეროს გენერალური მდივანი.


ჰამიდ კარზაისთვის ეს მეორე საპრეზიდენტო ვადაა. შემდგომში საკუთარი კანდიდატურის წამოყენების უფლებას მას ავღანეთის კონსტიტუცია არ აძლევს.

XS
SM
MD
LG