სუდანის დარფურის რეგიონში მომხდარ თავდასხმაში აფრიკის კავშირის სამშვიდობო ძალების სამი ნიგერიელი ჯარისკაცი დაჭრეს. სამშვიდობოების წარმომადგენლები აცხადებენ, რომ ორი დაჭრილი მძიმე მდგომარეობაში იმყოფება. დაჭრილები დარფურის მთავარი ქალაქის ნიალას საავადმყოფოში მოათავსეს. ადგილობრივი მოსახლეობის უსაფრთხოების უზრუნველყოფის მიზნით, ამ ძალადობით გამორჩეულ რეგიონში გაეროს და აფრიკის კავშირის თხუთმეტ ათასამდე სამშვიდობოა დისლოციირებული.