ბმულები ხელმისაწვდომობისთვის

დღეს 11 სექტემბრის ტერაქტებიდან მერვე წლისთავი აღინიშნება


დღეს ამერიკელები სამგლოვიარო ცერემონიებით პატივს მიაგებენ 2001 წლის 11 სექტემბერს განხორციელებულ ტერაქტებში დაღუპულთა ხსოვნას. პენტაგონში ცერემონიას დღეს თვით აშშ-ს პრეზიდენტი ბარაკ ობამა დაესწრება. ავიალაინერის პენტაგონის შენობასთან შეჯახების შედეგად 184 კაცი დაიღუპა. პრეზიდენტმა ობამამ 11 სექტემბერი, როგორც ხსოვნის დღე ისე გამოაცხადა. ნიუ-იორკში სავაჭრო ცენტრის შენობებთან ორი ავიალაინერის შეჯახების შედეგად 2700 კაცი დაიღუპა. დღეს საგანგებო სამგლოვიარო ცერემონიაზე ნიუ-იორკში სიტყვით გამოვა ვიცე-პრეზიდენტი ჯო ბაიდენი. პენსილვანიაში დაბა შენკსვილის შორიახლოს მემორიალურ კომპლექსს ყოფილი სახელმწიფო მდივანი კოლინ პაუელი გახსნის. შეგახსენებთ, რომ შენგსვილთან ჩამოვარდა მეოთხე გატაცებული ავიალაინერი, რომლის ბორტზეც 40 მგზავრი და ეკიპაჟის წევრი იმყოფებოდა.

XS
SM
MD
LG