ავღანეთის ოფიციალური პირები აცხადებენ, რომ პრეზიდენტ ჰამიდ კარზაის მიერ დასახელებული ვიცე პრეზიდენტის კანდიდატურაზე შეიარაღებული თავდასხმა განხორციელდა. ყოფილი ვიცეპრეზიდენტი და ამჟამინდელი კანდიდატი ამავე პოსტზე მოჰამედ ქასიმ ფაჰიმი დღეს კუნდუზის პროვინციაში გადაადგილდებოდა , როდესაც შეიარაღებულმა პირებმა ცეცხლი გაუხსნეს მის ავტოკოლონას.
თავდასხმის დროს ფაჰიმი არ დაშავებულა.
აგვისტოში დაგეგმილ არჩევნებში ფაჰიმი და მაჟამინდელი ვიცე პრეზიდენტი კარიმ ჰალილი პრეზიდენტ კარზაის საარჩევნო კამპანიის გუნდში არიან .
ამასთან ავღანეთის თავდაცვის სამინისტრო აცხადებს, რომ ავღანელმა და კოალიციურმა ძალებმა 16 თალიბი მეომარი მოჰკლეს ნურისტანის პროვინციაში.