ბმულები ხელმისაწვდომობისთვის

აშშ და ევროკავშირი არ სცნობს სამხრეთ ოსეთის არჩევნებს


აშშ-მ და ევროკავშირმა ოფიციალური განცხადება გააკეთეს, რომელშიც ხაზგასმით აღნიშნავენ, რომ არ სცნობენ ე.წ. სამხრეთ ოსეთში კვირას ჩატარებული საპარლამენტო არჩევნების არც კანონიერებასა და არც შედეგებს. აშშ-ს სახ-დეპი სპეციალურად გაკეთებულ განცხადებაში ხაზს უსვამს იმ ფაქტს, რომ ცხინვალში ჩატარებული საპარლამენტო არჩევნები წარმოადგენსუკან გადადგმულ ნაბიჯს სამხრეთ ოსეთში კონფლიქტის მოლაპარაკებისა და მშვიდობიანი გზებით მოგვარების საკითხში. შეგეხსენებთ , რო ოფიციალური ვაშინგტონი ე.წ. სამხრეთ ოსეთსა და აფხაზეთს,როგორც საქართველოს ტერიტორიის განუყოფელ ნაწილს ისე მოიაზრებს. ფაქტობრივად ეს განცხადება ასახავს აშშ-ს საქართველოს ტერიტორიალური ხელშეუვალობისადმი მხარდაჭერის პარლამენტის დემონსტრირებას. ე.წ. სამხრეთ ოსეთის საპარლამენტო საარჩევნო კომისიამ განაცხადა, რომ პარლამენტში 34 ადგილს დაიკავებს ედუარდ კოკოითის ერთობის პარტია და კიდევ ორი პარტია, რომლებიც მას უჭერენ მხარს.

XS
SM
MD
LG