შრი ლანკის არმია აცხადებს, რომ ქვეყნის ჩრდილოეთში ალყაშემორტყმული თამილი სეპარატისტების ლიდერი არმიას დანებდა. ამ ინფორმაციით, თამილ ვეფხვთა სამხედრო ლიდერმა დაიამ და პოლიტიკურ დარგში მისმა მოადგილემ თამილსელვანმა იარაღი დაყარეს. არმიის პრეს-მდივნის თქმით, თამილი ვეფხვები ცამეტი კვადრატული კილომეტრის ფართობის ტერიტორიაზე არიან ალყაშემორტყმულები. თამილთა დამარცხებით შრი-ლანკაში აგერ უკვე ოცდაექვსი წლის განმავლობაში მიმდინარე სამოქალაქო ომი დასრულდება. ოფიციალური ინფორმაციის თანახმად, ბოლო რამდენიმე დღის განმავლობაში საომარი მოქმედებების ზონა ოთხმოცდაერთ ათასზე მეტმა ადამიანმა დატოვა.