ერაყის პოლიციის განცხადებით ბაქუბაში ბომბის აფეთქების შედეგად 35 ადამიანი დაიჭრა მათ შორის ამ ქალაქის მერიც. დაჭრილთა უმრავლესობა პოლიციის თანამშრომლები არიან.
შაბათს ბაქუბას მახლობლად ამერიკელთა მოკავშირე ერაყელთა შეიარაღებული დაჯგუფების სამი მებრძოლი დაიღუპა პარტიზანების მიერ მოწყობილი თავდასხმის შედეგად. ამავე ქალქის ერთ-ერთ კაფეში ბომბი აფეთქდა, როდესაც აქ ალ-ყაიდას მოწინააღმდგე მილიციის წევრები საუზმობდნენ. დაჭრილია 18 ადამიანი. მასობაში კოალიციერმა ძალებმა ერაყში ტერორიზმში ეჭვმიტანილი 13 პირი დააკავეს ბაღდადის და მოსულის მახლობლად განხორციელებული სპეცოპერაციის დროს.