ამერიკელი სამხედროების განცხადებით მათ ბაღდადის სადრის რაიონში 5 მეამბოხე გაანადგურეს. ყუმბარმტყორცნებით შეიარაღებული ორი მეომარი აპაჩის ტიპის შვეულმფრენიდან დახოცეს. დანარჩენი სამი კი ამერიკელმა ჯარისკაცებმა დაცხრილეს.
უკანასკნელ ხანს მკვეთრად გაიზარდა დაძაბულობა ბაღდადის ამ რაიონში, რომელიც შიიტთა სულიერი ლიდერის მოხტადა ალ-სადრის მთავარი დასაყრდენია.
ერაყის პრემიერ-მინისტრმა ნური ალ-მალიქიმ გასულ თვეს შიიტური მილიციის წინააღმდეგ გადამწყვეტი იერიში წამოიწყო.
ამასობაში ალ-ყაიდას ერთ-ერთმა ხელმძღვანელმა აიმან ალ-ზავაჰირიმ ისლამურ ვებ გვერდზე ინტერვიუ გამოაქვეყნა, რომელშიც ერაყში მიმდინარე ჯიჰადის უდიდეს მნიშვნელობაზე საუბრობს.