ბრიტანეთის პრემიერ-მინისტრი ტონი ბლერი შესაძლოა სათავეში ჩაუდგეს ახლო აღმოსავლეთში სამშვიდობო პროცესის მიმდინარეობას.
ამის შესახებ რუსეთის, შეერთებული შტატების, გაეროს და ევრო კავშირის წარმომადგენლებმა იერუსალიმში გამართული შეხვედრის დროს იმსჯელეს. აღნიშნული შეხვედრა ისრაელის პრემიერ-მინისტრის ეჰუდ ოლმერტის და პალესტინის პრეზიდენტის მაჰმუდ აბასის მოლაპარაკებას მოჰყვა, რომელიც ეგვიპტეში გაიმართა.
ლონდონში გამართულ პრეს-კონფერენციაზე ტონი ბლერმა აღნიშნა, რომ მსოფლიოში მშვიდობის და სტაბილობის განმტკიცებისათვის აუცილებელია ისრაელ-პალესტინის კონფლიქტის სამართლიანი გადაწყვეტა.
ეგვიპტეში გამართული მოლაპარაკების დროს ისრაელის პრემიერ-მინისტრი ეჰუდ ოლმერტი პალესტინის პრეზიდენტს მაჰმუდ აბასს ორგანიზაცია ფათას 250 წევრის განთავისუფლებას დაპირდა.