ბმულები ხელმისაწვდომობისთვის

ერაყის პოლიციის განცხადებით ბაღდადში კამიკაძემ ავტობუსში აიფეთქა თავი


ამ ტერაქტის შედეგად 10 ადამიანი დაიღუპა და 20 დაიჭრა. აფეთქება ბაღდადის შიიტურ რაიონში მოხდა. დღესვე ერაყის დედაქალაქში საგზაო პოლიციის ოფიცერი მოკლეს.

ამასობაში კოალიციურმა ძალებმა 8 მოთარეშე გაანადგურეს და 41 დააპატიმრეს ბაღდადში განხორციელებული რეიდის დროს. ამერიკელი სამხედროების განცხადებით ეს მოთარეშეები ალ-ყაიდასთან იყვნენ დაკავშირებულნი. მათივე თქმით ორი ამერიკელი ჯარისკაცი დაიღუპა კამიკაძის მიერ ავტომობილის აფეთქების შედეგად ბაღდადის ჩრდილოეთში.

ქალაქ მოსულში უცნობმა შეიარაღებულმა პირებმა კი არაბული ტელევიაზია ალ-შარქიას ოპერატორი მოკლეს.

დღეს ერაყის პრემიერ-მინისტრი ნური ალ-მალიქი ახლო აღმოსავლეთში ამერიკის ჯარების სარდალს გენერალ ჯონ აბიზაიდს შეხვდა, რომელმაც კიდევ ერთხელ გამოხატა პრეზიდენტ ბუშის თანადგომა ერაყის ხელისუფლების მიმართ.

XS
SM
MD
LG