ნეპალში მიმდინარე სამშვიდობო მოლაპარაკებამ შედეგი ვერ გამოიღო. ნეპალის მთავრობასა და მაოისტ აჯანყებულთა შორის მიმდინარე მოლაპარაკებამ შედეგი ვერ გამოიღო. დღეს ქვეყნის პრემიერ-მინისტრი გირიჯა პრასად კოირალა და მაოისტ კომუნისტთა ლიდერი პრაჩანდა, პრემიერ-მინისტრის კაბინეტში, მიმდინარე კვირის განმავლობაში უკვე მერვედ შეხვდნენ ერთმანეთს. მათ განაცხადეს, რომ მიუხედავად შეუთანხმებლობისა კიდევ აპირებენ შეხვედრების მოწყობას. მოლაპარაკებები აჯანყებულთა განიარაღებას და მონარქიის მომავალს ეხება.