სადამ ჰუსეინის სასამართლო პროცესზე ბრალდების მხარემ ერაყის ყოფილი პრეზიდენტის და მისი ორი თანამოსაქმის სიკვდილით დასჯა მოითხოვა 148 შიიტის მკვლელობისთვის. პროკურატურა სადამ ჰუსეინის გარდა მისი ბიძაშვილის ბარზან იბრაჰიმ ალ-ტიკრიტის და ერაყის ყოფილი ვიცე-პრეზიდენტის ტაჰა იასინ რამადანის სიკვდილით დასჯას ითხოვს.
მთავარი ბრალმდებელის ჯააფარ ალ-მუსავის განცხადებით კაცობრიობის წინააღმდეგ ჩადენილი დანაშაულისა და მშვიდობიანი მოსახლეობის დახოცისათვის განსასჯელები სასჯელის უმაღლეს ზომას იმსახურებენ.
სადამ ჰუსეინის სასამართლო პროცესი უკვე 8 თვეა მიმდინარეობს, რომელზეც დაცვის მხარე თავის არგუმენტებს 10 ივლისისთვის წარმოადგენს.