ამერიკელი სამხედროები ბაღდადის ჩრდილოეთით მდებარე სოფელ იშაქში მშვიდობიანი მოსახლეობის დახოცვას ამართლებენ. გენერალ მაიორ უილიამ ქოლდველის განცხადებით ამერიკელი ჯარისკაცები ძლიერი ცეცხლის ქვეშ მოჰყვნენ ამ სოფელში განხორციელებული რეიდის დროს და მათი საპასუხო მოქმედებაც შექმნილი სიტუაციის შესაბამისი იყო. ამ შემთხვევას 9 ერაყელის სიცოცხლე შეეწირა, გარდა ამისა ამერიკელ სამხედროებს ქალაქ ჰადიტაში კიდევ 24 უიარაღო ერაყელის დახოცვაში ადანაშაულებენ.