ამერიკელი რესპუბლიკელების ახალი პლატფორმა
საკონსტიტუციო ცვლილება აბორტის აკრძალვისთვის
შეერთებული შტატების რესპუბლიკური პარტია დიდი ყრილობისთვის ემზადება, რომელიც მომავალ კვირას გაიმართება. ყრილობაზე მიღებული იქნება ახალი პლატფორმა. დოკუმენტი მოიცავს მოწოდებას, რომ აბორტების აკრძალვა საკონსტიტუციო ცვლილების გზით განხორციელდეს. პარტიის მიერ წარმოდგენილი აბორტების საწინააღმდეგო პლატფორმა არ შეეხება გაუპატიურებას და ინცესტის შემთხვევას. ასევე რესპუბლიკელები ითხოვენ საკონსტიტუციო ცვლილებას, რის თანახმადაც ჯერ კიდევ დაუბადებელ ბავშვს მიენიჭება სიცოცხლის ფუნდამენტური უფლება, რომლის წართმევა დაუშვებელი იქნება.