ხუთშაბათი, 02 აპრილი, 2015

საქართველო

ელისო ჩაფიძე სამხილს მოგვიანებით გაასაჯაროებს

რა სამხილი აქვს კოალიცია - „ქართული ოცნების წევრს" კონსტიტუციური უსაფრთხოების დეპარტამენტის წინააღმდეგ? ზაზა წულაძე, თბილისი

Eliso ChapidzeEliso Chapidze
x
Eliso Chapidze
Eliso Chapidze
ტყიბულში ოპოზიციური კოალიცია „ქართული ოცნების“ მაჟორიტარობის კანდიდატი, ჟურნალისტი ელისო ჩაფიძე აპირებს სექტემბერში გახადოს საჯარო ის ფარული ჩანაწერები, სადაც, მისივე თქმით, კონსტიტუციური უსაფრთხოების დეპარტამენტის (http://kud.security.gov.ge/index.php?task=page&id=1&lang=geo)  თანამშრომლები მის წინააღმდეგ პროვოკაციას გეგმავენ. წინასწარი ინფორმაციით, ფარულ ჩანაწერში, ტყიბულში კონსტიტუციური უსაფრთხოების სამსახურის ხელმძღვანელი კობა შარვაძე თანამშრომლებს - ელისო ჩაფიძეზე თვათვალის განახორციელებას ავალებს. დეპუტატობის კანდიდატის თქმით, წინასაარჩევნო პერიოდის განმავლობაში მასზე მუდმივად ხორციელდებოდა თვალთვალი, კუდ-ის თანამშრომლების მას, მის ავტომობილსა და მხარდამჭერებს მუდმივად აფიქსირებდნენ, როგორც ფოტო, ისე ვიდეო საშუალებების გამოყენებით. „ამერიკის ხმასთან“ საუბარში ელისო ჩაფიძე ვარაუდობს, რომ პროვოკაცია მისთვის პოლიტიკურ საქმიანობაში ხელის შეშლის მიზნით დაიგეგმა.

„მე მქონდა ამ ფაქტთან დაკავშირებით საუბარი IRI-ისა და NDI-ის გრძელვადიან დამკვირვებლებთან დასავლეთ საქართველოში, რომლებიც მეწვივნენ შტაბში და ტყიბულში არსებული მდგომარეობით და ჩემთან დაკავშირებული საფრთხეებით დაინტერესდნენ. ასევე ვესაუბრე საქართველოში ამერიკის საელჩოს პოლიტიკურ მდივანს, რომელიც მაქსიმალურ თანადგომას გამოთქვამს ჩვენს მიმართ. იყო დაგეგმილი ორი ტიპის პროვოკაცია ჩემს მიმართ. პირველი ეს გახლდათ ესეთი დავალება, რომ უნდა მოვხსნილიყავი არჩევნებიდან თითქოს თანხის გადაცემის მომენტში, რასაც კანონი კრძალავს; ასე ხორციელდებოდა დევნა, თვალთვალი შესაძლოა ჩემი შეშინების მიზნით რომ შემეწყვიტა პოლიტიკური აქტივობა ამასთანავე, არც ის არის გამორიცხული „შემთხვევითი“ ავტოავარია ძალია ცუდ გზებზე, რომელიც ვერ ააშენა ნაციონალურმა მოძრაობამ. მე კიდევ ერთხელ შემიძლია დაგიდასტუროთ, რომ ფარული ჩანაწერები ჩვენ გვაქვს და ალბათ უახლოეს მომავალში იხილავს მას ქართული საზოგადოება.“    

ტყიბულში ელისო ჩაფიძეს მმართველი პარტიის წევრი პავლე კუბლაშვილი უპირისპირდება, პარლამენტის იურიდიული კომიტეტის ამჟამინდელმა თავჯდომარემ ბოლო რვა წლის განმავლობაში ორჯერ მოიგო მაჟორიტარული არჩევნები ამ ქალაქში. კუბლაშვილი „ნაციონალური მოძრაობის“ ერთ-ერთი გავლენიანი ფიგურაა. მისი ძმა, კონსტანტინე კუბლაშვილი მეშვიდე წელია საქართველოს უზენაესი სასამართლოს თავჯდომარეა. ტყიბულის რაიონში, სადაც 30 000 ადამიანი ცხოვრობს ძირითადი დარგი ქვანახშირის მრეწველობა და ხე-ტყის განსაკუთრებით კი წაბლის ხის ბიზნესია.
ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 29 მარტი, 2015

ინტერვიუ სენატორ ჯეიმს რიშთან; აშშ-ში წინა-საპრეზიდენტო მარათონი ძალებს იკრებს; გერმანიის როლი არა მარტო გლობალურ ეკონომიკურ, არამედ პოლიტიკურ ურთიერთობებში მატულობს; მცირე საწარმოების გამოწვევები აშშ-ში;


ვიდეო ვაშინგტონი დღეს, 22 მარტი, 2015

ყოველკვირეული 20 წუთიანი პროგრამა, რომელიც საინტერესო ამერიკული ისტორიების და საერთაშორისო მოვლენების შესახებ მოგითხრობთ. გამოშვებაში გაეცნობით ირანში ქალთა უფლებების მდგომარეობას, გაეცნობით ბავშვებზე ჰაერის დაბინძურების გავლენის შედეგებს, და კაპიტოლიუმის სარემონტო სამუშაოების მიმდინარეობას.


ვიდეო ვაშინგტონი დღეს, 15 მარტი, 2015

დღევანდელ გადაცემაში ნახავთ: ისლამური სახელმწიფო სოციალური მედიის გამოყენებით მხარდამჭერთა რაოდენობას მუდმივად ზრდის; სად მიდის ფრენისას დაკარგული ბარგი, რომელსაც პატრონი არ გამოუჩნდა? ეფლი მომხმარებელს ახალი პროდუქციით კიდევ ერთხელ აკვირვებს...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.