ამერიკის სახელმწიფო დეპარტამენტი მხარს უჭერს საქართველოს მისწრაფებას ნატოში ინტეგრაციის შესახებ. ასე უპასუხა სახელმწიფო დეპარტამენტის ოფიციალურმა წარმომადგენელმა ელიზაბეთ ტრუდომ ჟურნალისტის კითხვას, იმის შესახებ იგეგმება თუ არა ბრიუსელში დაგეგმილ ნატო-ს მინისტერიალზე საქართველოს პროგრესის აღიარება.
ნატო-ს წევრი სახელმწიფოების საგარეო საქმეთა მინისტრების შეხვედრა ბრიუსელში დღეს დაიწყო. მინისტერიალზე გადაწყდება, დაიწყებს თუ ალიანსი მოლაპარაკებებს მონტენეგროსთან, ამ ქვეყნის ალიანსში მიწვევის შესახებ.