ორშაბათი, 30 მარტი, 2015

დანარჩენი მსოფლიო

ერთად დავამარცხოთ აივ ინფექცია

მსოფლიოში 34 მილიონი ადამიანი შიდსის მატარებელია

მსოფლიოს მასშტაბით დაახლოებით რვა მილიონი ადამიანი ანტირეტროვირუსულ თერაპიას მიმართავს. ამ კატეგორიას აივ ვირუსით ინფიცირებული ადამიანები წარმოადგენენ.  

აღნიშნულთან დაკავშირებით, გაეროს შიდსთან ბრძოლის პროგრამამ სპეციალური ანგარიშიც გამოაქვეყნა. ანგარიშის თანახმად, რომელსაც „ერთად დავამარცხოთ აივ ინფექცია“ ეწოდება, 34 მილიონი ადამიანი შიდსის მატარებლია. ამ რიცხვს, გასულ წელს, კიდევ 2.5 მილიონი პაციენტი დაემატა.

მიშელ სიდიბე გაეროს შიდსთან ბრძოლის პროგრამის ხელმძღვანელია:

„პირადად მე მჯერა, რომ აივ ინფექციასთან ბრძოლის თვალსაზრისით ახალი ეპოქა დაიწყო. თუმცა ამ შემთხვევაში, ყველაზე მნიშვნელოვანი პაციენტების ერთუსლოვნება და ნებისყოფაა, რათა მკურნალობა ეფექტურად წარიმართოს.“

მიშელ სიდიბე იმასაც დასძენს, რომ დაავადებასთან საბრძოლველად მსოფლიოს ქვეყნებმა პასუხიმგებლობა თანაბრად უნდა გაინაწილონ. გასულ წელს შიდსთან ბრძოლის პროგრამებისათვის, დაახლოებით, 17 მილიარდი დოლარი დაიხარჯა. დაფინანსების უმეტესი ნაწილი შიდსის შესამსუბუქებლად შექმნილი, ამერიკის შეერთებული შტატების პრეზიდენტის საგანგებო გეგმიდან მომდინარეობს, რომელსაც სხვანაირად „პეპფარი“ ეწოდება. ამ მხრივ, ასევე, გამოირჩევა „შიდსთან ბრძოლის გლობალური ფონდიც.“

მიუხედავად ამისა, ბევრმა ქვეყანამ უკვე საკუთარი ინვესტიციების ხარჯზე გადაწყვიტა დაავდებასთან ბრძოლა. თუმცა, გასაკეთებილი ჯერ კიდევ ბევრია. ჯანდაცვის მსოფლიო ორგანიზაციის თანახმად, დაავადებასთან ეფექტური ბრძოლისათვის განვითარებად ქვეყნებში სრული სამოქმედო გეგმა უნდა შეიქმნას:

„ჩვენთვის ცნობილია, რომ ბევრ ქვეყანაში სტიგმა და დისკრიმინაცია აივ ინფიცირებულთა მისამართით ჯერ კიდევ საკმაოდ ძლიერია. ასევე, უნდა შემცირდეს სხეულით მოვაჭრე ადამიანებისა და ნარკოტიკების მომხმარებელთა რაოდენობაც, რაც მნიშვნელოვანია დაავადების გავრცელების აღმოსაფხვრელად,“ - ამბობს მსოფლიო ჯანდაცვის ორგანიზაციის წარმომადგენელი, გოტფირდ ჰირშალი.

შიდსთან ბრძოლოს მეორე უმთავრესი პირობა ადრეული მკურნალობის დაწყებაა. ბატონი ჰირშალის თქმით, ექიმები პაციენტებს გამოკვლევებისა და მკურნალობის დაუყონებლივ დაწყებას ურჩევენ:

„თუ დროულად მიხვალთ ექიმთან, გაცილებით მეტი იქნება განკურნების შანსი. ამგვარი ტენდენცია შეერთებულ შტატებში უკვე შეინიშნება.“

სპეციალისტების ინფორმაციით, აივ ინფექციის საწინააღმდეგოდ შექმნილი პრეპარატი არამარტო შიდსით დაავადებულებს დაეხმარება, არამედ ვირუსის გავრცელების ფაქტორებს ჯანმრთელ ადამიანებშიც შეამცირებს.
ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 29 მარტი, 2015

ინტერვიუ სენატორ ჯეიმს რიშთან; აშშ-ში წინა-საპრეზიდენტო მარათონი ძალებს იკრებს; გერმანიის როლი არა მარტო გლობალურ ეკონომიკურ, არამედ პოლიტიკურ ურთიერთობებში მატულობს; მცირე საწარმოების გამოწვევები აშშ-ში;


ვიდეო ვაშინგტონი დღეს, 22 მარტი, 2015

ყოველკვირეული 20 წუთიანი პროგრამა, რომელიც საინტერესო ამერიკული ისტორიების და საერთაშორისო მოვლენების შესახებ მოგითხრობთ. გამოშვებაში გაეცნობით ირანში ქალთა უფლებების მდგომარეობას, გაეცნობით ბავშვებზე ჰაერის დაბინძურების გავლენის შედეგებს, და კაპიტოლიუმის სარემონტო სამუშაოების მიმდინარეობას.


ვიდეო ვაშინგტონი დღეს, 15 მარტი, 2015

დღევანდელ გადაცემაში ნახავთ: ისლამური სახელმწიფო სოციალური მედიის გამოყენებით მხარდამჭერთა რაოდენობას მუდმივად ზრდის; სად მიდის ფრენისას დაკარგული ბარგი, რომელსაც პატრონი არ გამოუჩნდა? ეფლი მომხმარებელს ახალი პროდუქციით კიდევ ერთხელ აკვირვებს...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.