ორშაბათი, 30 მარტი, 2015

ევროპა

„ფუსი რაიოთს“ თანადგომას უცხადებენ

ტაძრის საკურთხეველზე ანტიპუტინისტური პროტესტის მონაწილეები ორწლიანი პატიმრობით დასაჯეს

x
"ამერიკის ხმა"
მოსკოვში ხულიგნობის ბრალდებით სამი პანკ-მუსიკოსისთვის  განაჩენის გამოტანამ რუსეთში მართლმადიდებელი ეკლესიის ძლიერი გავლენა დაადასტუირა. ამავე დროს, ზიანი მიაყენა მსოფლიოში რუსეთის იმიჯს და და გამოიწვია საკმაოდ მძაფრი რეაქცია. როგორც ცნობილია, პანკმუსიკოსები მოსკოვის საკათედრო ტაძარში საპროტესტო პერფომანსისთვის დააკავეს. პარასკევს პანკჯგუფის „ფუსი რაიოთის“ წევრ ქალებს  ორი წლით თავისუფლების აღკვეთა მიუსაჯეს. რას ფიქრობენ ამ საკითხზე დასავლელი ექპერტები? დეტალებს „ამერიკის ხმის“ კორესპონდენტი რიზვან საიდი ლონდონიდან არკვევდა.
ჯეიმს ნიქსი საერთაშორისო საქმეთა სამეფო ინსტიტუტის ანალიტიკოსია. ეს ორგანიზაცია ასევე „ჩეთემ ჰაუზის“ სახელითაც არის ცნობილი. ის სიტყვის თავისუფლების რუსულ სტილზე საუბრობს. 

„კრიტიკა დაშვებულია. თუმცა, როდესაც ეს კრიტიკა ფართო მასშტაბს იძენს და ძალიან პირადი ხდება, მაშინ აღარ არის დაშვებული. განსაკუთრებით, მაშინ როდესაც ეს კრიტიკა პრეზიდენტს ეხება, მაგალითად მის სიმდიდრეს ან კორუფციულ ასპექტებს, თუნდაც რეჟიმის კრიმინალურ მხარეს. ამდენად, აქ უკვე ლიმიტებია დაწესებული,“ - ამბობს ჯეიმს ნიქსი.

მისი თქმით, რუსეთი ვალდიმირ პუტინის პრეზიდენტობის წყალობით, საბჭოთა სტილის მმართველობას უბრუნდება.

„ის ხელისუფლებაში 13 წელი იყო. რუსეთი რეალურად არ შეცვლილა, არ გამხდარა პლურალისტური საზოგადოება და დასავლეთის ნაწილი და გარკვეულწილად ის დაბრუნდა უკან საბჭოთა კავშირში. ის ქმნის საკუთარ სტრუქტურას პოსტ-საბჭოთა სივრცეში. პუტინის იდეა ევრაზიული კავშირია, რაც ბევრის აზრით საბჭოთა კავშირის გაგრძელებაა,“ - ამბობს ნიქსი.

რუსული პანკ-ჯგუფის „ფუსი რაიოთის“ წევრებს ორი წლიანი პატიმრობა მიუსაჯეს. მათ ექვსი თვის წინ მოსკოვის საკათედრო ტაძრის საკურთხეველთან ანტიპუტინისტური პერფრიომანსი დადგეს. მოსამართლემ ეს შეაფასა ხულიგნობად, სადაც გადამეტებული იყო პროტესტის ფორმები, და რითაც დაირღვა  საზოგადოებრივი წესრიგი და ასევე შეურაცხყოფა მიაყენეს რელიგიურ გრძნობებს.

„ფუსი რაიოთელები“ ამბობენ, რომ მათ სურდათ პრეზიდენტ პუტინის და რუსული მართლმადიდებელი ეკლესიის მჭიდრო კავშირის დემონსტრირება.
სუზან ლარსენი კემბრიჯის უნივერსიტეტში რუსულ კულტურას ასწავლის. ის ფიქრობს, რომ რუსეთის მთავრობა ეკლესიასთან ერთად ძალაუფლების განმტკიცებას ცდილობს.

„რასაც ჩვენ პუტინოკრატიას ვუწოდებთ კანონებს ძალაუფლების განსამტკიცებლად ირგებს. ამ პოლიტიკის ნაწილი კი რუსულ მართლმადიდებელ ეკლესიასთან ალიანსია,“ - ამბობს სუზან ლარსენი.

თუმცა, „ფუსი რაიოთელებს“ რუსეთში ბევრი აკრიტიკებს. საზოგადოების ნაწილი მიიჩნევს, რომ პანკჯგუფის წევრებმა რუსულ ეკლესიას შეუარცხყოფა მიაყენეს და ისინი უნდა დაისაჯონ. მოსკოვში „ფუსი რაიოთელების“ გასამართლების დღეს, სასამართლოსთან პანკჯგუფის მხარდამჭერთა აქცია გაიმართა. ამგვარი აქციები არა მარტო მოსკოვში, არამედ პარიზში, ბელგრადში, ბერლინში, სოფიაში, ლონდონში, დუბლინსა და ბარსელონაშიც მოეწყო.  „ფუსი რაიოთს“ თანადგომა გამოუცხადეს მომღერლებმა პოლ მაკარტნიმ დ მადონამ.
ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 29 მარტი, 2015

ინტერვიუ სენატორ ჯეიმს რიშთან; აშშ-ში წინა-საპრეზიდენტო მარათონი ძალებს იკრებს; გერმანიის როლი არა მარტო გლობალურ ეკონომიკურ, არამედ პოლიტიკურ ურთიერთობებში მატულობს; მცირე საწარმოების გამოწვევები აშშ-ში;


ვიდეო ვაშინგტონი დღეს, 22 მარტი, 2015

ყოველკვირეული 20 წუთიანი პროგრამა, რომელიც საინტერესო ამერიკული ისტორიების და საერთაშორისო მოვლენების შესახებ მოგითხრობთ. გამოშვებაში გაეცნობით ირანში ქალთა უფლებების მდგომარეობას, გაეცნობით ბავშვებზე ჰაერის დაბინძურების გავლენის შედეგებს, და კაპიტოლიუმის სარემონტო სამუშაოების მიმდინარეობას.


ვიდეო ვაშინგტონი დღეს, 15 მარტი, 2015

დღევანდელ გადაცემაში ნახავთ: ისლამური სახელმწიფო სოციალური მედიის გამოყენებით მხარდამჭერთა რაოდენობას მუდმივად ზრდის; სად მიდის ფრენისას დაკარგული ბარგი, რომელსაც პატრონი არ გამოუჩნდა? ეფლი მომხმარებელს ახალი პროდუქციით კიდევ ერთხელ აკვირვებს...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.