ორშაბათი, 21 აპრილი, 2014

ახალი ამბები

რომნის საგარეო პოლიტიკა

პრეზიდენტის მეტოქე საგარეო ტურნეს გეგმავს

x
ტექსტის ზომა - +
ამერიკის ხმა
შეერთებული შტატების პრეზიდენტობისთვის ბრძოლა გადამწყვეტ ფაზაში შედის. შესაბამისად შიდა პოლიტიკური და ეკონომიკური საკითხების გარდა, კანდიდატები ერთმანეთის საგარეო პოლიტიკურ კურსსაც აკრიტიკებენ.  თუ როგორი იქნება ამერიკული საგარეო პოლიტიკა მასაჩუსეტის ყოფილი გუბერნატორის გამარჯვების შემთხვევაში, „ამერიკის ხმის“ კორესპონდენტი ჯიმ მალონი არკვევდა.

საარჩევნო კამპანიის დიდი ნაწილი ამერიკის ეკონომიკურ სირთულეებს ეთმობა. თუმცა, ნევადას შტატში სამხედრო ვეტერანების წინაშე გამოსვლისას, რესპუბლიკელმა მიტ რომნიმ ქვეყნის საგარეო პოლიტიკაზეც ისაუბრა.

„მე დიადი ამერიკის შეურიგებელი დამცველი ვარ. ამერიკის ძალმოსილების არ მრცხვენია,“ - განაცხადა მიტ რომნიმ.

მან თავისი გამოსვლის დიდი ნაწილი პრეზიდენტის საგარეო კურსის კრიტიკას დაუთმო. რომნი ირანთან, ჩინეთთან და რუსეთთან ამერიკის უფრო მკაცრ ურთიერთობას ითხოვს. ასევე მისი თქმით, ისრაელს ვაშინგტონმა უფრო ქმედითი მხარდაჭერა უნდა აღმოუჩინოს.

„მე მსოფლიოში ამერიკის ლიდერობას არ დავთმობ. ჩვენ  დარწმუნებული უნდა ვიყოთ, რომ ჩვენი მიზნები მკაფიოა და მისი მიღწევა შეგვიძლია,“ - განაცხადა რომნიმ.

რომნიმდე ასევე ვეტერანების წინაშე პრეზიდენტი ბარაკ ობამა წარსდგა. მან მეტოქისგან განსხვავებით შეერთებული შტატების საგარეო პოლიტიკურ მიღწევებზე ისაუბრა - ერაყში ომის დასრულებაზე, ავღანეთში სამხედრო კამპანიის შემცირებაზე და ალ-ყაიდას ლიდერის ოსამა ბინ ლადენის განადგურებაზე.

„რადგანაც ჩვენ მსოფლიოში ლიდერის პოზიცია გვაქვს, ამერიკის მიმართ ახალი განწყობებია. უფრო მეტი რწმენაა ჩვენი ლიდერობის შესახებ. ჩვენ ამას მთელ მსოფლიოში ვხედავთ. როდესაც ხალხს ეკითხებიან, თუ რომელი ქვეყანა მოწონთ, ჩამონათვალში ამერიკა პირველ ადგილზეა,“ - განაცხადა ობამამ.

პრეზიდენტის მეტოქე მიტ რომნი საგარეო ტურნეს გეგმავს, ის ბრიტანეთში, ისრაელსა და პოლონეთში აპირებს ჩასვლას. მისი მიზანი, გამარჯვების შემთხვევაში საგარეო კავშირების გაღრმავებაა.

პრეზიდენტ ობამას საარჩევნო კამპანიის მრჩეველი რობერტ გიბსი ამბობს, რომ რომნის დაგეგმილი ვიზიტები ეს იქნება რესპუბლიკელთა კანდიდატის იდეების წარმოჩენის მცდელობა. თავისი ტურნეს ფარგლებში რომნი ბრიტანეთში ზაფხულის ოლიმპიური თამაშების გახსნასაც დაესწრება, საიდანაც ისრაელში გაემგზავრება და პრემიერ-მინისტრ ბენიამინ ნეთანიაჰუს შეხვდება. როგორც ცნობილია,  ისრაელის მიმართ ობამას ადმინისტრაციის დამოკიდებულებას რომნი მკაცრად აკრიტიკებს.

დენ სენორი რომნის საგარეო პოლიტიკის მრჩეველია. მისი თქმით, პრეზიდენტმა ობამამ ისრაელთან ისეთი პოლიტიკა აირჩია, რომელიც მისი აზრით, ახლო აღმოსავლეთში ამერიკის მხარდაჭერას გააძლიერებდა.

საზოგადოებრივი აზრის კვლევები მიუთითებს, რომ საგარეო პოლიტიკაზე უფრო მეტად ამომრჩეველს ეკონომიკური საკითხები და უმუშევრობა აწუხებს.
ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.
Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 18 აპრილი, 2014

დღევანდელ გადაცემაში ნახავთ: ჰოლივუდში აუქციონზე მერლინ მონროს საყურეებია გატანილი; მომავლის მანქანები - შესაძლებელია თუ არა, რომ ავტომანქანებმა საკუთარი თავი მძღოლის გარეშე მართონ? ვიზუალური ეფექტების ინდუსტრია იმდენად ვითარდება, რომ მალე მან შეიძლება კინოინდუსტრია ძირეულად შეცვალოს...


ვიდეო ვაშინგტონი დღეს, 11 აპრილი, 2014

დღევანდელ გადაცემაში ნახავთ: ვაშინგტონიდან დანახული სამართლიანობის აღდგენის პროცესი საქართველოში; როგორი იქნება მომავლის თვითმფრინავი? სონორას უნიკალური მუზეუმი, რომელიც დამთვალიერებელს უდაბნოს გაცნობის საშუალებას აძლევს...


ვიდეო ვაშინგტონი დღეს, 5 აპრილი, 2014

დღევანდელ გადაცემაში ნახავთ: რა კავშირია ლონდონის ეკონომიკასა და რუს ოლიგარქებს შორის? ამერიკელების რეკორდული რაოდენობა საცხოვრებლად ქალაქებში გადადის და მანქანის ნაცვლად საზოგადოებრივი ტრანსპორტით სარგებლობს... ინდუსტია, რომელმაც შარშან ამერიკაში ორი მილიარდი დოლარის ოდენობის საქონელი გაყიდა...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

Download mobile app for your Android device.
Download mobile app for your iPhone or iPad.