ხუთშაბათი, 31 ივლისი, 2014

აშშ

ობამას კანდიდატი მსოფლიოს ბანკის მმართველის პოსტზე

ამერიკის ხმა

„ბოლო 18 თვის განმავლობაში გაორმაგდა იმ ადამიანების რიცხვი, ვინც ახალი პრეპარატის მიღება დაიწყო.  შიდსის დაავადების წინააღმდეგ ბრძოლაში, ჩვენ უპრეცედენტო ეტაპზე ვართ.“  ამბობს ჯიმ იონგ კიმი.

კარიერის მაძილზე, განათლებით ექიმი ჯიმ იონგ კიმი სათავეში ედგა შიდსის წინააღმდეგ ბრძოლის კამპანიას გაერთიანებული ერების ორგანიზაციის სახელით, ასწავლიდა ჰარვარდის საზოგადოებრივი ჯანდაცვისა და სამედიცინო სკოლაში,  და ბოლოს დართმუთის კოლეჯის პრეზიდენტად დაინიშნა.

წარმოშობით კორეელი, ახლა უკვე ამერიკის მოქალაქე კიმი, ბარაკ ობამას კანდიდატია მსოფლიოს ბანკის მმართველის პოსტზე.

ობამა: „დროა განვითარების დარგის სპეციალისტი და პროფესიონალი მსოფლიოში უდიდეს განვითარების სააგენტოს ჩაუდგეს სათავეში.“

იაპონიის ფინანსთა მინისტრი იუნ აზუმი დარწმუნებულია, რომ კიმის გამოცდილება ჯანდაცვის მსოფლიო ორგანიზაციაში მოღვაწეობის დროს შთამბეჭდავი ეტაპი იყო სპეციალისტის კარიერაში.

„მან წარმატებებს მიაღწია შიდსის წინააღმდეგ ბრძოლაში.  ვფიქრობ, მსოფლიო ბანკის პრეზიდენტის პოსტზე კიმი ძალიან შესაფერისი კანდიდატურაა.“

ამ ფონზე, განვითარების დარგის სხვადასხვა ექსპერტი ფიქრობს, რომ ბანკი ეკონომიკური ზრდის წახალისებაზე აკეთებს აქცენტს ჯანადაცვის, განათლებისა და ინფრასტრუქტურის პროგრამების დასაფინანსებლად.

მსოფლიო ბანკის ვეტერანი დამკვირვებელი ური დადუში, რომელიც ამჟამად პეტერსონის საერთაშორისო ეკონომიკის ინსტიტუტში მუშაობს აცხადებს, რომ კიმის პროფესიული გამოცდილება საკმაოდ ვიწროპროფილიანია:

„იგი მხოლოდ ჯანდაცვის პრობლემებზე აკეთებდა კონცენტრირებას, მაშინ როცა ბანკის მუშაობა 20მდე სფეროს მოიცავს.„

გლობალური განვითარების ცენტრის ექსპერტი ნენსი ბირდსალი კი ფიქრობს, რომ კიმის მოსვლით გამორიცხული არ არის მსოფლიო ბანკის ინსტიტუციონალური სტრუქტურა და კულტურა შეიცვალოს:

„კიმი ძალიან კარგად უძღვება ე.წ. სწავლების კულტურის ჩამოყალიბებას, ეს მისი საუნივერსიტეტო მოღვაწეობიდანაც ჩანს.  ვფიქრობ, რომ ამ ორგანიზაციის ჩამოყალიბება ცოდნის ბანკის სახით აუცილებელია.„

 

ბირდსალის თქმით, დიდია იმის ალბათობა, რომ კიმის მეთაუობის ქვეშ მსოფლიო ბანკმა უფრო აქტიურად ითანამშრომლობს მზარდი ეკონომიკის მქონე ქვეყნებთან, უფრო მეტად მოუსმინოს  პარტნიორებს და დროულად შეისწავლოს წარუმატებელი პროექტების მიზეზი და გამოცდიელბა.

მსოფლიო ბანკის პრეზიდენტის პოსტზე ტრადიციულად ამერიკელი ინიშნება, მაშინ როცა საერთაშორისო სავალუტო ფონდის მეთაურად ევროპელი.  დღემდე, განვითარებადი ეკონომიკის ქვეყნებმა არაერთხელ დააფიქსირეს უკმაყოფილება საერთაშორისო ფინანსურ ინსტიტუტებში გადანაწილებული მმართველობის გამო.

ჯიმ იონგ კიმის კანდიდატურას ორი არაამერიკელი უპირისპირდება.  თუმცა ფინანსურ სექტორში უკვე არსებობს აზრი, რომ ამერიკის პოლიტიკური და ფინანსური ისტებლიშმენტის მხარდაჭერა მსოფლიო ბანკის მმართველის პოსტზე დართმუტის კოლეჯის პრეზიდენტის წარმატებას ნიშნავს.

 

 

ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 27 ივლისი, 2014

დღევანდელ გადაცემაში ნახავთ: ამერიკა არალეგალი იმიგრანტი ბავშვების დეპორტაციას იწყებს; საქართველოში აივ ინფიცირებულთა რაოდენობა იზრდება; ქართული სათვისტომოს წარმომადგენლებმა ნიუ იორკში ღონისძიება გამართეს.


ვიდეო ვაშინგტონი დღეს

ყოველკვირეული 15 წუთიანი ანალიტიკური პროგრამა, რომელშიც მოისმენთ ამერიკელი და ქართველი ექსპერტების ანალიზს მიმდინარე პოლიტიკური მოვლენების შესახებ და გაეცნობით ამერიკაში მცხოვრები ცნობილი ქართველების ისტორიებს.


ვიდეო ვაშინგტონი დღეს, 20 ივლისი, 2014

დღევანდელ გადაცემაშI ნახავთ: ამერიკაში ერთ დროს უკიდურესად გასაიდუმლოებული ბირთვული ნაგებობა დღეს ტურისტული ღირშესანიშნაობაა; ამერიკის დიდი ქალაქი, რომელსაც წყალი გრაფიკით მიეწოდება; ჭკვიან გზაზე მოსიაულე ჭკვიანი მანქანა...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.