სამშაბათი, 02 სექტემბერი, 2014

ახალი ამბები

ნატოს კვირეული თბილისში

ზაზა წულაძე

თბილისში დღეს ჩრდილოეთ ატლანტიკური ალიანსისადმი მიძღვნილი კვირეული გაიხსნა, რომელსაც სამხრეთ კავკასიასა და შუა აზიაში ნატოს გენერალური მდივნის სპეციალური წარმომადგენელი ჯეიმს აპატურაიც ესწრება. კვირეულს ორგანიზებას ნატოს შესახებ საინფორმაციო ცენტრი და ევროპულ და ევროატლანტიკურ სტრუქტურებში სახელმწიფო მინისტრის აპარატი უწევენ. კვირეულში მოწვეული სტუმრის სტატუსით ასევე მონაწილეობს - ლატვიის თავდაცვის მინისტრის მოადგილე, იანის სარტსი. კვირეულის ძირითადი თემა ნატოს ჩიკაგოს სამიტის შედეგების განხილვაა. ასევე ნატოში საქართველოს გაწევრიანების შანსების შეფასება. ნატოს გენერალური მდივნის სპეციალურმა წარმომადგენელმა ჯეიმს აპატურაიმ კვირეულის გახსნაზე ხაზი გასუვა თუ რამდენად მნიშვნელოვანია საქართველოს მომავლისა და ნატოში გაწევრიანებისთვის ოქტომბერში საპარლამენტო არჩევნების გამჭვირვალედ ჩატარება

„საქართველო კარგა ხანია თანამშრომლობს ნატოსთან და მინდა ავღნიშნო ის უდიდესი წვლილი, რაც მას ავღანეთის ოპერაციაში შეაქვს. მინდა მადლობა გადავუხადო ქართველ ხალხს და ამასთან,  გენერალური მდივნის სახელით მინდა მწუხარება გამოვთქვა ავღანეთში დაღუპული 16 ქართველი სამხედროს გამო. საქართველო არა მარტო მიისწრაფვის გახდეს ნატოს წევრი არამედ მუშაობს ამისათვის. ჩიკაგოს სამიტს დადებითი შედეგი ჰქონდა საქართველოსთვის. ყოველი დღე რა თქმა უნდა ახალი გამოცდასავითაა და მომავალი არჩევნებიც კიდევე ერთი მნიშვნელოვანი ტესტია.“

დღესვე, საქართველოს მთავრობის სახელმწიფო მინისტრი გიორგი ბარამიძე და ლატვიის თავდაცვის მინისტრის მოადგილე იანის სარტსი თავისუფალ უნივერსიტეტში პროფესორებსა და სტუდენტებს შეხვდნენ.  პარალელურად ნატოს გენერალური მდივნის სპეციალური წარმომადგენელი ჯეიმს აპატურაი პირისპირ შეხვდა საგარეო საქმეთა მინისტრ გრიგოლ ვაშაძეს, ასევე შეხვედრები გამართა საქართველოს საპარლამენტო  უმრავლესობისა და უმცირესობის წევრებთან, არასაპარლამენტო ოპოზიციის წარმომადგენლებთან. სახელმწიფო მინისტრმა გიორგი ბარამიძემ და გეოპოლიტიკური კვლევების ცენტრის ხელმძღვანელმა თენგიზ ფხალაძემ ხაზი გაუსვეს საქართველოში ნატოს კვირეულის გამართვის მნიშვნელობას

გიორგი ბარამიძე: „ძალიან მნიშვნელოვანია რომ ეს კვირეული ტარდება ჩიკაგოს სამიტის შემდგომ, რომელიც საქართველოს ნატოში გაწევრიანების საქმეში მნიშვნელოვანი წინ გადადგმული ნაბიჯი იყო. მაგრამ ჩვენ მიღწეულით არ ვკმაყოფილდებით. ჩვენ ვსჯელობთ იმ ამოცანებზე, რეფორმებზე, რომელიც მოგვიტანს სანუკვარ შედეგს - ნატოში გაწევრიანებას.“

თენგიზ ფხალაძე:“ძალიან დიდი პოლიტიკური დატირთვა აქვს ამ ღონისძიებას და ასეთი მაღალი დონის სტუმრის ვიზიტს. შეხვედრები პოლიტიკურ წრეებთან სამოქალაქო საზოგადოებასთან მეტყველებს რამდენად არის ნატო დაინტერესებული საქართველოსთან მჭიდრო თანამშრომლობით. მით უმეტეს რომ ჩიკაგოს სამიტის შემდეგ იხსნება აბსოლუტურად ახალი პერსპეტივები ჩართულობისა და თანამშრომლობის გაღრმავების.“

ნატოს მიმდინარე კვირეული საქართველოში ამ სახის რიგით მეხუთე ღონისძიებაა. ჩრდილოეთ ატლატიკური ალიანსისთვის მიძღვნილი ღონისძიებები მთელი საქართველოს მაშტაბით არის დაგეგმილი. ნატოს კვირეულს 16 ივნისს თელავის სახელმწიფო უნივერსიტეტში გიორგი ბარამამიძე და ნატოში ლიტვის მუდმივი წარმომადგენელი კესტუკის იანკაუსკასი დახურავენ.

ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 31 აგვისტო, 2014

დღევანდელ გადაცემაში ნახავთ: საქმე, რომლის შესასრულებლად არა მხოლოდ სიმაღლე უნდა გიყვარდეთ, არამედ ინჟინერი, არქეოლოგი, არქიტექტორი და ექსტრემალური სპორტსმენი ერთდროულად უნდა იყოთ... ამერიკაში ჩამოსასვლელად გაცემული სამუშაო ვიზების რაოდენობა საკმარისი არ არის


ვიდეო ვაშინგტონი დღეს

ყოველკვირეული 15 წუთიანი ანალიტიკური პროგრამა, რომელშიც მოისმენთ ამერიკელი და ქართველი ექსპერტების ანალიზს მიმდინარე პოლიტიკური მოვლენების შესახებ და გაეცნობით ამერიკაში მცხოვრები ცნობილი ქართველების ისტორიებს.


ვიდეო ვაშინგტონი დღეს, 24 აგვისტო, 2014

დღევანდელ გადაცემაში ნახავთ: რა სამუშაობი მიმდინარეობს პანამის არხის დასახვეწად და შეიძლება თუ არა ნიკარაგუამ მსოფლიოს მისი ალტერნატივა შესთავაზოს; ექიმები პაციენტებს მხედველობის შესანარჩუნებლად რჩევებს აძლევენ; ეს ერთ-ერთ ყველაზე პოპულარული დესერტი, ანტიდეპრესანტული თვისებებითაც გამოირჩევა.

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.