კვირა, 29 მარტი, 2015

აშშ

66-ე გზატკეცილი

ისტორიული ტრასა, რომელზეც სიმღერები და წიგნები იწერებოდა. ის 8 შტატზე გადიოდა და სიგრძით თითქმის 4000 კილომეტრი იყო

x
ამერიკის ხმა

როგორც ამბობენ, 66-ე გზატკეცილის იდეა პირველად მე-20 საუკუნის დასაწყისში, ოკლაჰომას შტატში გაჩნდა. 20-იან წლებში მისი გაყვანის აუცილებლობის შესახებ საუბარი განახლდა. შტატის მესვეურებმა საბოლოო გადაწყვეტილება 1926 წლის 11 ნოემბერს მიიღეს. გზატკეცილს უამრავ ქალაქზე, მთაზე, მდინარე თუ უდაბნოზე უნდა გაევლო და 8 შტატის დაკავშირება მოეხერხებინა. ასე დაიწყო ერთ-ერთი პირველი  ფედერალური გზატკეცილის მშენებლობა ამერიკაში.
 
30-იან წლებში შეერთებულ შტატებში ე.წ. „დიდი დეპრესიის“ ხანა დადგა. ოკლაჰომელ ფერმერებს ქვიშის გრიგალების გამო მოსავალი გაუნადგურდათ და ისინი 66-ე გზატკეცილით მასიურად კალიფორნიისკენ დაიძრნენ. ჩიკაგოდან ლოს ანჯელესამდე ათასობით მილზე გადაჭიმული გზა მოგზაურობის, ცვლილებების, ოცნებების ასრულების და უკეთესი მომავლის სიმბოლოდ გადაიქცა. ჯონ სტაინბეკი ერთ-ერთი პირველი მწერალი იყო, რომელმაც ნაწარმოებში „მრისხანების მტევნები“ 66-ე გზატკეცილი აღწერა და მას „მტვრისგან  დევნილების გზა“, „გზატკეცილების დედა“ და „ბრძოლის ტრასაც“ კი უწოდა.
 

აუდიო: 66-ე გზატკეცილი
66-ე გზატკეცილიi
|| 0:00:00
...    
🔇
X

 


1946 წელს კომპოზიტორმა ბობი ტრაუპმა ხანგრძლივი მოგზაურობის შემდეგ 66-ე გზატკეცილს სიმღერა მიუძღვნა. პოპულარული მომღერლის, ნათ კინგ კოლის  შეასრულებისთანავე სიმღერა ჰიტად იქცა. 60-იან წლებში ცნობილი ტელე-სერიალიც გადაიღეს, სახელწოდებით „66-ე გზატკეცილი“, რომელიც ორი მეგობრის მოგზაურობას აღწერდა. თუმცა, კადრების უმეტესობა რეალურ გარემოში არ ჩაწერილა.
 
ძალიან მალე დრო შეიცვალა. სხვადასხვა შტატებში ხელისუფლებამ თუ ფედერალურმა  მთავრობამ  უფრო თანამედროვე ტრასების გაყვანა დაიწყო, რომლებზეც მანქანებს მეტი სისწრაფის განვითარება შეეძლოთ. 66-ე გზატკეცილის ზოგიერთი ნაწილი სარემონტო სამუშაოებისთვის დაიხურა და აღარც გახსნილა. 1985 წელს მთავრობამ ის ეროვნული გზატკეცილების სისტემიდან საერთოდ ამოიღო.
 
ამერიკელთა ერთმა ნაწილმა, რომელსაც 66-ე გზატკეცილთან წარსულის ნოსტალგია და რომანტიული მოგონებები აკავშირებდა, მისი რამდენიმე მონაკვეთის გადარჩენისთვის ბრძოლა დაიწყო. მათ საზოგადოებრივი მოძრაობაც ჩამოაყალიბეს და გზისპირზე რესტორნების და მოსასვენებელი ადგილების მოწყობას ჩაუყარეს საფუძველი.
 
სწორედ ამ პერიოდში დაიწერა წიგნი „66-ე გზატკეცილი, ტრასების დედა“. მისმა ავტორმა, მაიკლ უოლისმა რამდენიმე საპატიო ჯილდო  მოიპოვა. მაიკლი მისურის შტატის ქალაქ სენტ ლუისში დაიბადა და მთელი ბავშვობა გზატკეცილთან იქვე მდებარე მშობლების სახლში გაატარა. შემდეგ მისი ცხოვრება ისე აეწყო, რომ სულ 8 შტატში მოუწია ცხოვრება და მისი თითოეული სახლი, როგორც წესი, 66-ე გზატკეცილის შორიახლოს მდებარეობდა. 
 
ასე დასრულდა ერთ-ერთი პირველი და უძველესი ფედერალური ტრასის ცხოვრება. თუმცა, ბობი ტრაუპის პოპულარული სიმღერა ამერიკელებს მის არსებობას ხშირად ახსენებს. სიმღერა სხვადასხვა დროს 50-ზე მეტმა მომღერალმა შეასრულა. მათ შორის იყვნენ ლეგენდარული ლუის პრიმა, ჩაკ ბერი, პერი კომო, კრის კონორი, ჯგუფები - როლინგ სთოუნსი, მანჰეტენ ტრანსფერი,  აეროსმიტი და მრავალი სხვა. ახლახან სიმღერის ჩანაწერი ამერიკაში ერთ-ერთმა ყველაზე პოპულარულმა მომღერალმა და გიტარისტმა ჯონ მეიერმა წარმოადგინა.

 

ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 22 მარტი, 2015

ყოველკვირეული 20 წუთიანი პროგრამა, რომელიც საინტერესო ამერიკული ისტორიების და საერთაშორისო მოვლენების შესახებ მოგითხრობთ. გამოშვებაში გაეცნობით ირანში ქალთა უფლებების მდგომარეობას, გაეცნობით ბავშვებზე ჰაერის დაბინძურების გავლენის შედეგებს, და კაპიტოლიუმის სარემონტო სამუშაოების მიმდინარეობას.


ვიდეო ვაშინგტონი დღეს, 15 მარტი, 2015

დღევანდელ გადაცემაში ნახავთ: ისლამური სახელმწიფო სოციალური მედიის გამოყენებით მხარდამჭერთა რაოდენობას მუდმივად ზრდის; სად მიდის ფრენისას დაკარგული ბარგი, რომელსაც პატრონი არ გამოუჩნდა? ეფლი მომხმარებელს ახალი პროდუქციით კიდევ ერთხელ აკვირვებს...


ვიდეო ვაშინგტონი დღეს, 27 თებერვალი, 2015

დღევანდელ გადაცემაში ნახავთ: როგორ ცდილობს ისლამური სახელმწიფო ახალგაზრდა მუსლიმების გადაბირებას; მშობლებს იმის გამო იძიებენ, რომ მათ ბავშვები სათამაშოდ მარტო გაუშვეს; ვინ ყიდულობს სახლებს ნიუ იორკის უახლეს ჩათამბჯენებში?

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.