პარასკევი, 01 აგვისტო, 2014

ევროპა

იმიგრაციული კრიზისი საბერძნეთში

ამერიკის ხმა

ევროკავშირის უმაღლესი კომისარი დევნილთა საკითხებში განცხადებას საბერძნეთთან დაკავშირებით აკეთებს და ქვეყნის ხელისუფლებას იმიგრანტების მიმართ მზარდი ძალადობის შესახებ აფრთხილებს. პრობლემა საბერძნეთის პოლიტიკურ ლიდერებშიც პოულობს დასაყრდენს. ულტრა-მემარჯვენე პარტიებმა მაისის არჩევნებზე ანტი-იმიგრაციული პლატფორმით ელექტორატის გული მოიგეს და ხმების დიდი რაოდენობა მოიპოვეს.

იმიგრაციული კრიზისის ეპიცენტრში ათენის ეკონომიკის უნივერსიტეტი აღმოჩნდა. ქვეყნის დედაქალაქში განთავსებული უმაღლესი სასწავლებლის ტერიტორიაზე პოლიციას ხშირად უწევს იმიგრანტი სტუდენტების და მათი მხარდამჭერების გაშველება მემარჯვენე პოლიტიკურ დაჯგუფებებთან.

პოლიციამ „ამერიკის ხმის“ ოპერატორებს გადაღების უფლება არ მისცა, თუმცა ჟურნალისტებმა მაინც მოახერხეს უნივერსიტეტის ჭიშკრის მიღმა შეღწევა და სტუდენტებთან საუბარი. საქმე იმაშია, რომ საბერძნეთის უსაფრთხოებას უნივერსიტეტების ტერიტორიაზე შესვლის უფლება არ აქვს. სწორედ ამიტომ დევნილები ხშირად სტუდენტებთან  აფარებენ თავს.

იანისი, სტუდენტთა ერთ-ერთი ლიდერი, ამბობს, რომ იმიგრანტებისგან ბერძენი პოლიტიკოსები „განტევების ვაცის“ იმიჯის შექმნას ცდილობენ:

ჩვენი მშობლებიც იმიგრანტები იყვნენ. ძალიან ხშირად მათთვის ეს არჩევანი არ იყო. ისინი იძულებული იყვნენ ომს და უბედურებას გამოქცეოდნენ. სამხედრო რეჟიმი მათ სიცოცხლეს ემუქრებოდა და ისინი აიძულეს საკუთარი სახლი და ცხოვრება დაეტოვებინათ და ყველაფერი ახლიდან დაეწყოთ“ - ამბობს იანისი.

გეორგოს ცარბოპოლოსი საბერძნეთში დევნილთა საკითხებში ევროკავშირის უმაღლესი კომისრის წარმომადგენელია:

„ინციდენტებს ყოველდღიურად აქვთ ადგილი. ძირითადად მათ ულტრა-მემარჯვენე პოლიტიკური დაჯგუფებები აწყობენ, რომლებიც თავს ბერძენ მოქალაქეთა ჯგუგებად წარმოადგენენ. მათი მიზანი იმიგრანტების დევნა, მათზე ნადირობა, კონფლიქტების ინსპირირებაა. დისკრიმინაცია უმეტესად კანის ფერის ან მათი სხვა ქვეყნის მოქალაქეობის გამო ხდება. რა გითხრათ, ეს ყოვლად მიუღებელია“ - ამბობს ბატონი გეორგოსი.

 

ბერძენთა ერთი ნაწილი იმიგრანტებს ქვეყანაში მზარდ დამნაშავეობაში და ეკონომიკური კრიზისის გაღრმავებაში დებს ბრალს. ათენის ეკონომიკის უნივერსიტეტის სტუდენტებს მოყვარულების მიერ გადაღებული მემარჯვენეთა სისასტიკის დამადასტურებელი ვიდეოფირები აქვთ. ადგილობრივი მოსახლეობა კი იმ კადრებს აქვეყნებს, რომლებშიც იმიგრანტების მიერ უნივერსიტეტის მიმდებარე ტერიტორიაზე მცხოვრებ ბერძნებზე თავდასხმაა ასახული.

მაისის არჩევნებზე ულტრა მემარჯვენე პარტიამ სახელწოდებით „ოქროს განთიადი“ ხმების 17 პროცენტი მოიპოვა. მის საპროგრამო დოკუმენტში შავით თეთრზე წერია, რომ საბერძნეთ-თურქეთის საზღვრები უნდა დაიმინოს, რათა ქვეყანაში მეტი იმიგრანტი აღარ შემოვიდეს.

თავად იმიგრანტები აცხადებენ, რომ ისინი სრულიად გამოუვალ სიტუაციაში არიან. საბერძნეთის მთავრობა მათ დასაქმების უფლებას არ აძლევს, ევროკავშირი კი სხვა ქვეყნებში გადაადგილებას უკრძალავს. ასე რომ დევნილებს საკუთარი ოჯახების რჩენის შანსი არ რჩებათ. სტუდენტებს ისინი ებრალებათ და ამბობენ, რომ მათ ელემენტარული არსებობის უფლება უნდა გააჩნდეთ, როგორც საბერძნეთში, ასევე სხვა ქვეყნებშიც.

საბერძნეთში ეკონომიკური კრიზისი და პოლიტიკური მღელვარება გრძელდება. ქვეყნის მომავალი, ისევე როგორც იმ ათობით ათასი იმიგრანტის, რომელიც მას თავს აფარებს, ისევ გაურკვეველი რჩება.

ეს ფორუმი დაიხურა
კომენტარების დალაგება
კომენტარები
     
მიერ (by): ნიკოლას
11.06.2012 00:08
ოქროს გავთიადმა 7% მოიპოვა*, ხალხის ბედი კი დამოკიდებულია ივნისის არჩევნებზე... ეგ დაჯგუფებები კიდე ეთნიკისტური ტიპის არიან და საჭიროა თითოეული ქვეყნისგან თავისი ხალხის უფლებების დაცვის პოლიტიკა საელჩოებიდან..

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 27 ივლისი, 2014

დღევანდელ გადაცემაში ნახავთ: ამერიკა არალეგალი იმიგრანტი ბავშვების დეპორტაციას იწყებს; საქართველოში აივ ინფიცირებულთა რაოდენობა იზრდება; ქართული სათვისტომოს წარმომადგენლებმა ნიუ იორკში ღონისძიება გამართეს.


ვიდეო ვაშინგტონი დღეს

ყოველკვირეული 15 წუთიანი ანალიტიკური პროგრამა, რომელშიც მოისმენთ ამერიკელი და ქართველი ექსპერტების ანალიზს მიმდინარე პოლიტიკური მოვლენების შესახებ და გაეცნობით ამერიკაში მცხოვრები ცნობილი ქართველების ისტორიებს.


ვიდეო ვაშინგტონი დღეს, 20 ივლისი, 2014

დღევანდელ გადაცემაშI ნახავთ: ამერიკაში ერთ დროს უკიდურესად გასაიდუმლოებული ბირთვული ნაგებობა დღეს ტურისტული ღირშესანიშნაობაა; ამერიკის დიდი ქალაქი, რომელსაც წყალი გრაფიკით მიეწოდება; ჭკვიან გზაზე მოსიაულე ჭკვიანი მანქანა...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.