ორშაბათი, 28 ივლისი, 2014

საქართველო

რას მოგვიტანს ორი „კარდაკარი“ ?

ამომრჩეველთა სიების დაზუსტების კომისიას ამომრჩეველთა ლიგა უნდობლობას უცხადებს

x
ზაზა წულაძე
არჩევნებამდე ხუთი თვით ადრე საქართველოში ამომრჩეველთა სიების დაზუსტებაზე უკვე ორი ჯგუფი მუშაობს, რომლებიც ერთმანეთს უნდობლობას უცხადებენ. პრეზიდენტ სააკაშვილის მიერ შექმნილ სპეციალურ 21 კაციან კომისიაში, მმართველი პარტიის წევრებთან ერთად, იმ „პოლიტიკური ჯგუფებისა“ და არასამთავრობო ორგანიზაციების წარმომადგენლები შედიან, რომლებსაც „პრო-სახელისუფლებოს“ ან „ხელისფლების სატელიტებს“ უწოდებენ. კომისია სახელმწიფო ბიუჯეტიდან თვეში 100 ათასი ლარით ფინანსდება, აქედან 90 ათასი ლარი ხელფასებზე მიდის.
„პირველ ეტაპზე ეს დაიწყება თბილისსა და ზუგდიდში, ერთად ეს გამოდის 11 ოლქი. ათი ოლქი თბილისში და პლუს ზუდგიდის საარჩევნო ოლქი ჯამში მოიცავს მილიონ ასი ათას ამომრჩეველს რაც ერთიანი საარჩევნო სიის თითქმის 40 პროცენტია“   


სპეციალურ კომისიას „ახალი მემარჯვენე“ მამუკა კაციტაძე ხელმძღვანელობს. კომისიაში მონაწილეობაზე თავიდანვე უარი თქვეს-  ახალგაზრდა იურისტთა ასოციაციამ, საერთაშორისო გამჭვირვალობა-საქართველომ და სამართლიანმა არჩევნებმა.  სამთავრობო კომისიამ მუშაობა აპრილის ბოლოს დაიწყო და უკვე ჰყავს ოპონენტი, რომელიც უნდობლობას უცხადებს. ეს საზოგადოებრივი მოძრაობა „ამომრჩეველთა ლიგაა“. კომისიის თავჯდომარე მამუკა კაციტაძე ამბობს, რომ „ამომრჩეველთა ლიგას“ კომისიის დისკრედიტაცია სურს. განსახვავებული მოსაზრება აქვს კომისიის წევრს, კახი კახიშვილს

მამუკა კაციტაძე: „მათ უნდათ რომ ცრუ შთაბეჭდილება შეექმნას საზოგადოებას სიების წინასწარ მონაცემებზე. არანაირი ოფიციალური მონაცემი სიების დაზუსტების კომისიას, პროექტ „კარდაკარის“ ფარგლებში არ გამოუქვეყნებია. ის, რაც „ამომრჩეველთა ლიგა“ საუბრობს იყო პირველი დღის მონაცემი, რომლითაც სერიოზულმა ადამიანმა წესით არ უნდა იხელმძღვანელოს, მაგრამ „ამორჩეველთა ლიგის“ სერიოზულობაზე ესეც მეტყველებს.“ 

კახი კახიშვილი: „ვიმედოვნებ, რომ ამომრჩეველთა ლიგაც მოასწრებს კარდაკარის ჩატარებს იმ დრომდე, სანამ იქნება აზრი, რომ საარჩევნო სიებში შევიდეს ცვლილებები, მათი ნაპოვნი ხარვეზების შესაბამისად. რაც უფრო მეტი სუბიექტი ჩაერთვება ასეთ პროგრამაში მხოლოდ კარგია.“

ამომრჩეველთა სიების დაზუსტებაზე მომუშავე სამთავრობო კომისიას საქართველოს მაშტაბით 11 ათასი რეგისტრატორი ჰყავს; სიების დაზუსტება ამომრჩეველთა პირადობის მოწმობების საფუძველზე მიმდინარეობს, გარდა გარდაცვლილი მოქალაქეებისა, კომისიას ბინებზე მიწერილი - ხმის უფლების მქონე მოქალაქეების შესახებ ინფორმაციის გადამოწმებაც ევალება.  იმ ოჯახებს კი, რომელთა წევრი ან წევრები საზღვარგარეთ იმყოფებიან, ამის დასადასტურებლად აღწერის დროს, სპეციალური ჩანაწერის გაკეთება უწევთ. მეორე დღეა ამომრჩეველთა სიებს „ამომრჩეველთა ლიგაც“ ამოწმებს, რომელსაც ოპოზიციის ყოფილი ლიდერი, ლევან გაჩეჩილაძე, მისი ძმა - გია გაჩეჩილაძე, შევარდნაძისა და სააკაშვილის მთავრობის ყოფილი მინისტრები - გია ყარყარაშვილი და გოგა ხაინდრავა წარმოადგენენ. „ამომრჩეველთა ლიგის“ თავჯდომარე კოკა გუნცაძე ამბობს თავიდან დედაქალაქისა და სამეგრელოს ამომრჩეველთა სიები შემოწმდება. „ალტერნატიული კარდაკარის“ პროეტის ხელმძღვანელი ლევან ჩიკვაიძე უკვე არსებული სიების საეჭვო მონაცემებზე საუბრობს.

კოკა გუნცაძე: „პირველ ეტაპზე ეს დაიწყება თბილისსა და ზუგდიდში, ერთად ეს გამოდის 11 ოლქი. ათი ოლქი თბილისში და პლუს ზუდგიდის საარჩევნო ოლქი ჯამში მოიცავს მილიონ ასი ათას ამომრჩეველს რაც ერთიანი საარჩევნო სიის თითქმის 40 პროცენტია.“
   

ლევან ჩიკვაიძე: „სამთავრობო კომისიის მიერ აღწერილი 100 000 ამომრჩევლიდან, პირველადი მონაცემების მიხედვით, მხოლოდ 4 000 იმყოფებოდა უცხოეთში. ანუ აღწერილის სულ 4 პროცენტი. მსოფლიო ბანკისა და გაეროს ყოველწლიური მონაცემებით  და კვლევებით კი უცხოეტში მყოფ ამომრჩეველთა რაოდენობა 32 პროცენტს შესადგენს.“

ამომრჩეველთა სიების დაზუსტების სპეციალური კომისია პრეზიდენტ სააკაშვილის ბრძანებულებით, გასული წლის ნოემბერში შექიმნა. პროცესს წინ უძღოდა მმართველი პარტიის მხრიდან  „ოპოზიციური რვიანის“ ყველა ძირითადი შეთავაზების, მათ შორის, ბიომეტრიული პასპორტების თემის ჩაგდება, რაც „რვიანის“ დაშლით დასრულდა. საბოლოოდ „ნაციონალურმა მოძრაობამ“ რამდენიმე სატელიტ ჯგუფთან სპეციალური შეთანხმება გააფორმა, რომლის ერთ-ერთი ეტაპიც პროექტი „კარდაკარ“ გახდა. სპეციალურმა სამთავრობო კომისიამ გადამოწმებული სიების საბოლოო ვარიანტი ცენტრალურ საარჩევნო კომისიას 1 აგვისტოს უნდა წარუდგინოს. „ალტერნატიული კარდაკარის“ შორეული გეგმები კი ჯერ ზუსტდება.
ეს ფორუმი დაიხურა
კომენტარების დალაგება
კომენტარები
     
მიერ (by): giorgi სურათიდან მიუთითეთ კოდი: dusheti
24.06.2012 23:38
rusebi saqartvelos veqar daipkroben gind stalini da orjonikze gaacooxlon mitumetes rusebis mier shekocicebuli partiebi VANIA TI KTO TAKOI DAVAI DOSVIDNIA

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 27 ივლისი, 2014

დღევანდელ გადაცემაში ნახავთ: ამერიკა არალეგალი იმიგრანტი ბავშვების დეპორტაციას იწყებს; საქართველოში აივ ინფიცირებულთა რაოდენობა იზრდება; ქართული სათვისტომოს წარმომადგენლებმა ნიუ იორკში ღონისძიება გამართეს.


ვიდეო ვაშინგტონი დღეს

ყოველკვირეული 15 წუთიანი ანალიტიკური პროგრამა, რომელშიც მოისმენთ ამერიკელი და ქართველი ექსპერტების ანალიზს მიმდინარე პოლიტიკური მოვლენების შესახებ და გაეცნობით ამერიკაში მცხოვრები ცნობილი ქართველების ისტორიებს.


ვიდეო ვაშინგტონი დღეს, 20 ივლისი, 2014

დღევანდელ გადაცემაშI ნახავთ: ამერიკაში ერთ დროს უკიდურესად გასაიდუმლოებული ბირთვული ნაგებობა დღეს ტურისტული ღირშესანიშნაობაა; ამერიკის დიდი ქალაქი, რომელსაც წყალი გრაფიკით მიეწოდება; ჭკვიან გზაზე მოსიაულე ჭკვიანი მანქანა...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.