ოთხშაბათი, 30 ივლისი, 2014

აშშ

გინდათ გახდეთ ფეისბუქის აქციონერი?

ფეისბუქის აქციებზე ფასი თითქმის განახევრდა და 38 დოლარიდან 20-ზე დავარდა. ანალიტიკოსები აქციონრებს სიფრთხილისკენ მოუწოდებენ.

x
ფეისბუქის აქციების გამოშვება 2012 წელს საფონდო ბირჟებზე ერთ-ერთი ყველაზე გახმაურებული მოვლენა იყო. ინვესტორები აქციების გამოსვლას მოუთმენლად ელოდნენ და თავდაპირველი ბუმის დიდი ხნით გაგრძელებას იმედოვნებდნენ. მაგრამ აქცების გამოშვებიდან 3 თვის შემდეგ, იმავე ინვესტორებს აქციების რაც შეიძლება მალე გაყიდვა და თავიდან მოშორება სურთ. 

ჯიმ მაკეი “იაჰუ ფაინენსის” წარმომადგენელია:

„კომპანიამ აქციები უბრალოდ შეაგდო ბაზარზე და დაელოდა რა მოხდებოდა. ფასმა 6-7 პროცენტით დაიწია, რაც ჩემთვის იმას ნიშნავს, რომ ადამიანები, რომლებიც კარგად იცნობენ კომპანიას, მისი აქციებისგან შორს იჭერენ თავს.“

მას შემდეგ, რაც ახალი აქციების გაყიდვებზე დაწესებულ სტანდარტულ სამ თვიან შეზღუდვას ფეისბუქისთვის ვადა გაუვიდა, აქციონრებმა 270 მილიონი აქცია გაყიდეს, რომელსაც აღარვინ ყიდულობს. ამან კი აქციებზე ფასის ვარდნა გამოიწვია და ბაზარზე კომპანიის ფასი 50 მილიარდი დოლარით შეამცირა.
თუმცა 38 დოლართან შედარებით, რაც ფეისბუქის აქციების თავდაპირველი ფასი იყო, სტანდარდ ენდ პურის ანალიტიკოსი სკოტ კესლერის განცხადებით, მიმდინარე ფასი ფულის კარგი დაბანდებაა:

„საბოლოო ჯამში ვფიქრობ, რომ ივესტორებისთვის ფეისბუქი მომგებიანი დაბანდების საშუალებას შექმნის. გარდა ამისა, კომპანიის აქციებს მხოლოდ გარე ინვესტორები ყიდიან, ხოლო ისინი, ვინც კომპანიაში მუშაობენ, აქციებს ინარჩუნებენ.“

ფინანსური ანალიტიკოსები რიგით ინვესტორებს სიფრთხილისკენ მოუწოდებენ. ივლისში ფეისბუქმა დანაკარგები აჩვენა, რაც დანახარჯებისა და შემოსავლის ბალანსის დარღვევამ გამოიწვია. ამან კი კომპანიის მომავალში ინვესტორების ნდობა შეარყია - კონკრეტულად კი იმან, თუ როგორ შეძლებს ფეისბუქის მენეჯმენტი რეკლამების მოზიდვას.

მაკეი ამბობს, რომ ყურადღება დიდი ინვესტორების გადაწყვეტილებებს უნდა მივაქციოთ:

„მე არ ვიყიდი ისეთ აქციას, რომლის ყიდვასაც „გოლდმან საქსი“ არ აპირებს.  მინდა ისეთი ინვესტიციები დავაბანდო, როგორსაც ისინი აკეთებენ. სწორედ ამიტომაც, ამჯერად ფეისბუქის აქციებზე უარს ვამბობ.“

კესლერი კი ამბობს, რომ ჯერ ნაადრევია მსოფლიოში უდიდეს სოციალურ ქსელზე ნეგატიური პროგნოზის გაკეთება:

„რეალური გათვლებით, კომპანია მომდევნო სამი წლის მანძილზე 25 პროცენტით ყოველწლიურად გაიზრდება.“

ინვესტორებისთვის ყველაფერს მოთხოვნისა და მარაგის ბალანსი წყვეტს. ამიტომ, ჯერ გაურკეველია როგორ მიიღებს ბაზარი ნოემბერში ფეისბუქის მიერ გამოცემულ დამატებით ერთ მილიარდ აქციას.
ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 27 ივლისი, 2014

დღევანდელ გადაცემაში ნახავთ: ამერიკა არალეგალი იმიგრანტი ბავშვების დეპორტაციას იწყებს; საქართველოში აივ ინფიცირებულთა რაოდენობა იზრდება; ქართული სათვისტომოს წარმომადგენლებმა ნიუ იორკში ღონისძიება გამართეს.


ვიდეო ვაშინგტონი დღეს

ყოველკვირეული 15 წუთიანი ანალიტიკური პროგრამა, რომელშიც მოისმენთ ამერიკელი და ქართველი ექსპერტების ანალიზს მიმდინარე პოლიტიკური მოვლენების შესახებ და გაეცნობით ამერიკაში მცხოვრები ცნობილი ქართველების ისტორიებს.


ვიდეო ვაშინგტონი დღეს, 20 ივლისი, 2014

დღევანდელ გადაცემაშI ნახავთ: ამერიკაში ერთ დროს უკიდურესად გასაიდუმლოებული ბირთვული ნაგებობა დღეს ტურისტული ღირშესანიშნაობაა; ამერიკის დიდი ქალაქი, რომელსაც წყალი გრაფიკით მიეწოდება; ჭკვიან გზაზე მოსიაულე ჭკვიანი მანქანა...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.