ხუთშაბათი, 24 აპრილი, 2014

აშშ

ასანჟი - სკანდალის გმირი

ბრიტანეთს და ეკვადორს შორის დიპლომატიური ურთიერთობა დაიძაბა

x
ტექსტის ზომა - +
პარასკევს ვაშინგტონში ლათინური ამერიკის ქვეყნების საგარეო საქმეთა მინისტრები შეიკრიბნენ. მათი ვიზიტის მიზანი სკანდალური ვებ-გვერდის ვიკილიქსის დამფუძნებლის ჯულიან ასანჟის გარშემო განვითარებული მოვლენების განხილვაა. როგორც ცნობილია, უკვე ორი თვეა ის ლონდონში ეკვადორის საელჩოს აფარებს თავს. ეკვადრომა მას პოლიტიკური თავშესაფარი მიანიჭა, თუმცა ბრიტანეთის მთავრობა ასანჟის ქვეყნის დატოვების უფლებას არ აძლევს. ლონდონმა ნათლად განაცხადა, რომ თუ ასანჟი ეკვადორის საელჩოს ტერიტორიას დატოვებს, მას დააპატიმრებენ. ამ ამბის დეტალებს „ამერიკის ხმის“ კორესპონდენტი სელა ჰენესი ლონდონიდან არკვევდა.
გასულ კვირას ბრიტანეთმა ეკვადორს წერილობით მიმარტა, სადაც  ნათქვამია, რომ ლონდონმა შესაძლოა გამოიყენოს 1987 წლის აქტი, რომლის საფუძველზეც ასანჟის საელჩოს შიგნით დააპატიმრებენ. ეკვადორმა ამ წერილს მუქარა უწოდა. თავის მხრივ  ლონდონმა ეს ბრალდება უარყო.
შექმნილმა ვითარებამ ბრიტანეთს და ეკვადორს შორის დიპლომატიური ურთიერთობა დაძაბა. ეკვადორის საელჩოსთან დემონსტრაცია მიმდინარეობს. აქ შეკრებილები, 24 საათის განმავლობაში ფხიზლობენ, რათა ასანჟის საელჩოდან ძალით გამოყვანას ხელი შეუშალონ. ერთერთი დემონსტრანტი ამერიკის ხმას ესაუბრა.
„ჩვენ ძალიან გვაშფოთებს, რომ დიდი ბრიტანეთიდან მისი ექსტრადიცია სურთ. მისი აქ ყოფნა ასანჟის უფლებაა და ეკვადორის ხელისუფლებას შეუძლია მას ეს მიანიჭოს,“ -ამბობს ასანჟის მომხრე.
ასანჟმა ლონდონში ეკვადორის საელჩოს თავი ორი თვის წინ შეაფარა და პოლიტიკური თავშესაფარი მოითხოვა. მას სურდა თავიდან აერიდებინა შვედეთში მისი ექსტრადირება, სადაც გაუპატიურების და სექსუალური ძალადობის ბრალდებით ელის სასამართლო. ასანჟი აცხადებს, რომ შვედეთში მისი ექსტრადირების შემთხვევაში, მას შეერთებულ შტატებს გადასცემენ, სადაც მას უკვე თავის ვებ-გვერდთან -  ვიკილიქსთან დაკავშირებით ელის სასამართლო. როგორც ცნობილია, სწორედ ამ ვებგვერდის საშუალებით ხდებოდა ათასობით ამერიკული საიდუმლო დოკუმენტის გამოქვეყნება. ლონდონელი ადვოკატი ანანდ დუბეი ამერიკის ხმას  იმ იურიდიულ დეტალებზე ესაუბრა, რომლის გამოყენებითაც ბრიტანელებს ეკვადორის საელჩოდან ასანჟის ძალით გამოყვანა შეუძლიათ.
„ბრიტანული კანონმდებლობის თანახმად, თუკი საელჩოს უკანონო მიზეზით იყენებ, ან საელჩოს შიგნით იმყოფება ვინმე შეიარაღებული პირი, რომელიც ხალხს საელჩოდან ესვრის. მაშინ ეს არ ჩაითვლება საელჩოში ყოფნის დაშვებულ საბააბდ. ამ შემთხვევაში დიდი ბრიტანეთს ეძლევა უფლება  არ განიხილოს ის ადგილი საელჩოს ტერიტორიად, სადაც ადამიანი აკეთებს რაიმე ისეთს, რაც აკრძალულია საერთაშორისო სამართლით, “ - ამბობს დუბეი. მისი თქმით, ბრიტანეთს საელჩოში შეჭრა მხოლოდ იმ შემთხვევაშო შეეძლება, თუკი ამის უფლებას საერთაშორისო სამართალი მიცემს.
ეკვადორის ხელისუფლება აცხადებს, რომ ასანჟის საელჩოში დარჩენა იქამდე შეუძლია, სადამდეც მოსურვებს.
ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.
Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 18 აპრილი, 2014

დღევანდელ გადაცემაში ნახავთ: ჰოლივუდში აუქციონზე მერლინ მონროს საყურეებია გატანილი; მომავლის მანქანები - შესაძლებელია თუ არა, რომ ავტომანქანებმა საკუთარი თავი მძღოლის გარეშე მართონ? ვიზუალური ეფექტების ინდუსტრია იმდენად ვითარდება, რომ მალე მან შეიძლება კინოინდუსტრია ძირეულად შეცვალოს...


ვიდეო ვაშინგტონი დღეს, 11 აპრილი, 2014

დღევანდელ გადაცემაში ნახავთ: ვაშინგტონიდან დანახული სამართლიანობის აღდგენის პროცესი საქართველოში; როგორი იქნება მომავლის თვითმფრინავი? სონორას უნიკალური მუზეუმი, რომელიც დამთვალიერებელს უდაბნოს გაცნობის საშუალებას აძლევს...


ვიდეო ვაშინგტონი დღეს, 5 აპრილი, 2014

დღევანდელ გადაცემაში ნახავთ: რა კავშირია ლონდონის ეკონომიკასა და რუს ოლიგარქებს შორის? ამერიკელების რეკორდული რაოდენობა საცხოვრებლად ქალაქებში გადადის და მანქანის ნაცვლად საზოგადოებრივი ტრანსპორტით სარგებლობს... ინდუსტია, რომელმაც შარშან ამერიკაში ორი მილიარდი დოლარის ოდენობის საქონელი გაყიდა...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

Download mobile app for your Android device.
Download mobile app for your iPhone or iPad.