ავსტრალიელი გამომძიებლები თანდათან რწმუნდებიან იმაში, რომ რეიუნიონის კუნძულზე ნაპოვნი ფრთის ფრაგმენტი დაკარგული მალაიზიური თვითმფრინავის ნაწილია. მარტინ დოლანმა, ავსტრალიის ტრანსპორტის უსაფრთხოების ბიუროს ერთ-ერთმა ხელმძღვანელმა, ჟურნალისტებთან საუბარში განაცხადა, რომ ექსპერტიზისგან დღის განმავლობაში, სავარაუდოდ რამდენიმე საათში, ისინი დადებით პასუხს ელიან.
MH-370 რადარებიდან 2014 წლის მარტში გაუჩინარდა. ბოინგ-777-ის ბორტზე მაშინ 239 ადამიანი იმყოფებოდა. ორმეტრიანი ფრაგმენტი, რომელიც ინდოეთის ოკეანეში მდებარე კუნძულის ნაპირზე იპოვეს, საფრანგეთში შემდგომი გამოძიების ჩატარების მიზნით გადააგზავნეს. მადაგასკარის აღმოსავლეთით მდებარე რეიუნიონის კუნძული დაახლოებით 3 500 კილომეტრითაა დაცილებული იმ ადგილს, სადაც ბოინგის ბოლო ადგილმდებარეობა დაფიქსირდა.
