ხუთშაბათი, 02 აპრილი, 2015

ახალი ამბები

შეხვედრა ბაღდადში

ერაყის ლიდერები იმედოვნებენ, რომ ბაღდადის შეხვედრის შემდეგ მსოფლიო მათ მეტი პატივისცემით მოეპყრობა.

ამერიკის ხმა

არაბული ლიგის წევრი სახელმწიფოების ლიდერები ბაღდადში ხვდებიან ერთმანეთს. შეხვედრის მთავარი თემები სირიაში გაჩაღებული სამოქალაქო ომის შეწყვეტა და 7 წლიანი ომის შემდეგ ერაყის აღორძინება იქნება.

არაბული ლიგის შეხვედრა დღეს გაიხსნა ბაღდადში, მაშინ როდესაც სირიაში გადაღებული ახალი ვიდეო მასალა ამტკიცებს, რომ ასადის მთავრობა კვლავაც აგრძელებს საკუთარი მოქალაქეების წინააღმდეგ  საარტილერიო დაბომბვას.

მიუხედავად ამისა, სირიის პრეზიდენტი ბაშარ ალ-ასადი დათანხმდა გაეროს და არაბული ლიგის ერთობლივ გეგმას, რომელიც ცეცხლის შეწყვეტას ითვალისწინებს.

დასავლეთის ლიდერები და ახლო აღმოსავლეთის რეგიონის ექსპერტები შიშობენ, რომ სირიის რეჟიმის მხრიდან ეს დროის მოგების მიზნით გადადგმული ტაქტიკური ნაბიჯია. სირია გარიცხეს არაბული ლიგიდან და ასადის რეჟიმი ამ ორგანიზაციის გადაწყვეტილებებს წინააღმდეგობას გაუწევს.

ახლო აღმოსავლეთის რეგიონის ექსპერტის ენტონი სკინერის განცხადებით არაბული ლიგის თავმჯდომარედ კატარის შემდეგ ერაყის არჩევა სირიის პრეზიდენტს ლავირების საშუალებას აძლევს:

"არაბული ლიგის თავმჯდმარედ კატარის ყოფნის დროს ეს ორგანიზაცია უფრო ხისტ პოლიტიკას ატერბდა სირიის მიმართ, ახალ როდესაც ერაყის ჯერი დადგა, ამ ქვეყნის პრემიერ-მინისტრი ნური ალ-მალიქი გაცილებით უფრო მისაღები პარტნიორი იქნება პრეზიდენტ ბაშარ ალ-ასადისთვის.“ განაცხადა ბატონმა სკინერმა.

არაბული რევოლუციების ფონზე არაბული ლიგის გააქტიურება სირიის კონფლიქტის მოგვარების საქმეში, ამ ორგანიზაციის ახალი გენერალური მდივნის ნაბილ ალ-არაბის პოლიტიკურ ამბიციებზე მეტყველებს.

ლონდონში მდებარე არაბული და ირანული კვლევის ცენტრის დირექტორის ალიზერა ნურიზადეს განცხადებით:“ ცალ-ცალკე აღებული არაბული სახელმწიფოების მთავრობები არ სარგებლობენ დიდი ავტორიტეტით საერთაშორისო არენაზე, მაგრამ როდესაც ისინი არაბული ლიგის ეგიდით და არაბი ხალხის სახელით გამოდიან, ეს უფრო სერიოზულად აღიქმება.“

ერაყის ლიდერები იმედოვნებენ, რომ ბაღდადის შეხვედრის შემდეგ მსოფლიო მათ მეტი პატივისცემით მოეპყრობა. განსაკუთრებით ის სუნიტური ქვეყნები, საუდის არაბეთის მეთაურობით, რომლებიც ამ შეხვედრას ბოიკოტს უცხადებენ ერაყის შიიტური მთვარობის ირანთან კავშირის გამო.

ალირეზა ნურიზადეს განცხადებით:

“ ისინი ამ შეხვედრას არაბულ სამყაროში დაბრუნებად აღიქვამენ, რასაც უდიდესი მნიშვნელობა აქვს ერაყის მომავალი განვითარებისთვის.“

არაბული ლიგის შეხვედრას ორი ძირითადი მიზანი აქვს, ახლო აღმოსავლეთში ერაყის გავლენის აღდგენა და სირიაში მიმდინარე სამოქალაქო დაპირისპირების შეწყვეტა. თუმცა, როგორც პოლიტიკური მიმომხილველები აღნიშნავენ, ამ მიზნების მიღწევა არცთუ ისე ადვილი საქმეა.

ეს ფორუმი დაიხურა
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 29 მარტი, 2015

ინტერვიუ სენატორ ჯეიმს რიშთან; აშშ-ში წინა-საპრეზიდენტო მარათონი ძალებს იკრებს; გერმანიის როლი არა მარტო გლობალურ ეკონომიკურ, არამედ პოლიტიკურ ურთიერთობებში მატულობს; მცირე საწარმოების გამოწვევები აშშ-ში;


ვიდეო ვაშინგტონი დღეს, 22 მარტი, 2015

ყოველკვირეული 20 წუთიანი პროგრამა, რომელიც საინტერესო ამერიკული ისტორიების და საერთაშორისო მოვლენების შესახებ მოგითხრობთ. გამოშვებაში გაეცნობით ირანში ქალთა უფლებების მდგომარეობას, გაეცნობით ბავშვებზე ჰაერის დაბინძურების გავლენის შედეგებს, და კაპიტოლიუმის სარემონტო სამუშაოების მიმდინარეობას.


ვიდეო ვაშინგტონი დღეს, 15 მარტი, 2015

დღევანდელ გადაცემაში ნახავთ: ისლამური სახელმწიფო სოციალური მედიის გამოყენებით მხარდამჭერთა რაოდენობას მუდმივად ზრდის; სად მიდის ფრენისას დაკარგული ბარგი, რომელსაც პატრონი არ გამოუჩნდა? ეფლი მომხმარებელს ახალი პროდუქციით კიდევ ერთხელ აკვირვებს...

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.