აშშ-ის და თურქეთის ინიციატივა

შეერთებული შტატები და თურქეთი სამუშაო ჯგუფს ქმნიან , რათა სირიაში პრეზიდენტ ასადის რეჟიმის დასრულების სტრატეგიული გეგმა შეიმუშავონ.

შაბათს აშშ-ის სახელმწიფო მდივანმა ჰილარი კლინტონმა და თურქეთის საგარეო საქმეთა მინისტრმა აჰმედ დავუთოღლუმ ამ ინიციატივის შესახებ განცხადება კლინტონის თურქეთში ვიზიტის დროს გააკეთეს.

სამუშაო ჯგუფს დაევალება საპასუხო მოქმედების დაზვერვისა და სამხედრო საკითხების კოორდინაცია.

კლინტონი და დავითოღლუ ასევე შეთანხმდენენ, რომ შემუშავდება სამოქმედო გეგმა, რომელიც ასადის მიერ ქიმიური იარაღის გამოყენების შემთხვევაში ამუშავდება.