ჩრდილოეთ სირიის ქალაქ ალეპოსთვის ბრძოლა გაძლიერდა. ოპოზიციური ჯგუფები პირობას დებენ, რომ მებრძოლების რაოდენობას გაზრდიან და სტრატეგიულ ტერიტორიას სრულად დაიპყრობენ. სამთავრობო ჯარებმა მეამბოხეთა წარმატებებს მეტი საჰაერო დარტყმებით უპასუხა.
შეტევა, ალეპოზე მთავრობის მიერ შემორტყმული სამკვირიანი ალყის გარღვევის შემდეგ დაიწყო.
ალეპოში მებრძოლ ამბოხებულთა კოალიციის მთავარი მონაწილე, „ლევანტის დაპყრობის ფრონტი“, სირიაში ალ-ყაიდას ყოფილი განშტოებაა. ქალაქის კვლავ აღებას მთავრობაც გეგმავს.