შეერთებული შტატების სენატის მმართველ პოზიციებზე სენატორებს ირჩევენ.
ვეტერანი დემოკრატი სენატორი ნიუ-იორკიდან ჩაკ შუმერი უმცირესობის ლიდერად ერთხმად აირჩიეს. ის ჰერი რაიდს ჩაანაცვლებს, სენატორს ნევადიდან. შუმერი აცხადებს, რომ დემოკრატიული პარტია მზად არის არჩეულ პრეზიდენტ დონალდ ტრამპთან თანამშრომლობისთვის.
8 ნოემბერს გამართულ არჩევნებში გამარჯვების შედეგად თეთრს სახლს, სენატს და წარმომადგენელთა პალატას რესპუბლიკელები გააკონტროლებენ. სენატში 52 რესპუბლიკელი და 48 დემოკრატი სენატორია.
პრეზიდენტის ინაუგურაციამდე 20 იანვრამდე, ასევე გაირკვევა კონგრესის ლიდერების ვინაობა.