რომს პირველი ქალი მერი ჰყავს. გუშინ გამართულ არჩევნებში იურისტმა ვირჯინია რაგიმ პრემიერ-მინისტრის რჩეული რობერტო გიაჩეტი დაამარცხა.
37 წლის რაგი პოპულისტური “ხუთი ვარსკვლავის მოძრაობის” წარმომადგენელია, რომელიც კომიკოსმა ბეპე გრილომ 7 წლის წინ დააარსა.
საარჩევნო კამპანიისას რაგი აქცენტს კორუფციის დასრულებაზე და რომში საჯარო მომსახურების გაუმჯობესებაზე აკეთებდა.
“ჩვენ ვიმუშავებთ, რათა ინსტიტუტები გავხადოთ სამართლიანი და გამჭვირვალე. 20-წლიანი ცუდი მმართველობის და მაფიის შემდეგ პრინციპები გაქრა,” განაცხადა რაგიმ.