თეთრი სახლი მხარს უჭერს წითელი ჯვრის საერთაშორისო ორგანიზაციის ინიციატივას, რომელიც სირიაში ყოველდღიურად ცეცხლის შეწყვეტას გულისხმობს. დროის ამ მონაკვეთში წითელ ჯვარს სურს დახმარება აღმოუჩინოს მოსახლეობას სურსათითა და სამედიცინო მომსახურებით. წითელი ჯვრის განცხადებით, ოჯახები უკვე რამდენიმე დღეა საკვების, წყლისა და სამედიცინო დახმარების გარეშე არიან. ჰუმანიტარული ორგანიზაცია მოუწოდებს სირიის მთავრობას და მეამბოხეებსაც ყოველდღიურად გარკვეული დროით შეწყვიტონ ბრძოლები, რათა მშვიდობიან მოსახლეობას დახმარება გაეწიოს.
თეთრი სახლი წითელი ჯვრის ინიციატივას უჭერს მხარს
