საბერძნეთში ხელახლა ჩატარდება არჩევნები. 6 მაისს გამარჯვებულ პარტიებს შორის ვერ გამოვლინდა მკვეთრი ლიდერი, რის გამოც კოალიციური მთავრობის შექმნამ კრახი განიცადა. უკვე რამდენიმე დღეა პოლიტიკური ლიდერები ცდილობენ კოალიციის შექმნას, თუმცა უშედეგოდ. მცდელობამ ნაყოფი ვერ გამოიღო. სამშაბათს პოლიტიკოსები მივიდნენ იმ დასკვნამდე, რომ საჭიროა არჩევნების ახალი რაუნდის ჩატარება. სავარაუდოდ არჩევნები 17 ივნისს გაიმართება.
